Фаластиннинг ҲАМАС ҳаракатининг ҳарбий қаноти Ал-Қассам бригадаси Ғазодаги тинч аҳолини ўққа тутганига жавобан Исроилнинг Ашкелон шаҳрига ракета ҳужумлари уюштирди. Бу ҳақида ҲАМАС ўзининг Telegram каналида хабар берди.
“Ал-Қассам бригадалари сионистларнинг тинч аҳолини қирғин қилишига жавобан Ашкелонга ракета ҳужумларини уюштирди”, — дейилади ташкилот баёнотида.
![](/static/2023/ashkelon11.jpg)
Аввалроқ Фаластиннинг WAFA ахборот агентлиги душанба куни Исроил армиясининг Ғазо сектори шарқидаги турар жой ҳудудларига берган зарбалари натижасида 30 дан ортиқ одам ҳалок бўлганини маълум қилганди.
Шунингдек, кеча 3 декабрь куни ҲАМАСнинг Шежая батальони қўмондони Виссам Фарҳат ҳаво ҳужуми чоғида ўлдирилгани хабар берилганди.
Изоҳ (0)