Исроил Ғазо секторида стратегик мағлубиятга учраши мумкин. Бу ҳақда АҚШ мудофаа вазири Ллойд Остин Калифорнияда бўлиб ўтаётган Рейган Миллий мудофаа форумидаги чиқиши чоғида маълум қилди.
“Бу турдаги жангларда оғирлик маркази тинч аҳоли ҳисобланади. Агар сиз уларни душман қўлига ҳайдасангиз, сиз тактик ғалабани стратегик мағлубиятга айлантирасиз”, — дея огоҳлантирди Пентагон раҳбари.
Унинг сўзларига кўра, Исроил қўшинлари Ғазо секторида тинч аҳоли ўлимининг олдини олиш ва уларни ҳимоя қилишни асосий мақсад қилиб қўйган тақдирдагина, ҲАМАСга қарши жангда ғалаба қозониши мумкин.
Изоҳ (0)