Буюк Британия ҳаво кучлари самолётлари Ғазо сектори устидан гаровга олинганларни қидириш учун парвоз қилади. Бу ҳақда The Jerusalem Post хабар берди.
Британия томони гаровга олинганларни, жумладан, ўғирлаб кетилган Британия фуқароларини озод қилишни таъминлаш учун ҳамкорлик қилмоқда.
“Буюк Британия Мудофаа вазирлиги гаровга олинганларни озод қилиш бўйича саъй-ҳаракатларни қўллаб-қувватлаш учун Шарқий Ўрта Ер денгизи, жумладан, Исроил ва Ғазо ҳаво ҳудуди устидан кузатув парвозларини амалга оширади”, — дейилади хабарда.
Самолётлар қуролсиз бўлиб, жанговар топшириқларни бажармаслиги, уларнинг мақсади фақат гаровга олинганларни қидиришдан иборатлиги маълум қилинди.
7 октябрдан бери давом этаётган жангларда Ғазода 15 мингдан ортиқ фаластинлик ҳалок бўлди. Исроилда, расмий маълумотларга кўра, қурбонлар сони 1200 га яқинлашди. Халқаро воситачилар, шу жумладан, Қатар, Миср ва АҚШ томонлар ўртасида сулҳни қайта тиклашни ва ўт очишни тўхтатишни талаб қилди. Кейинроқ Қатар Ташқи ишлар вазирлиги Исроил ва Фаластин ўртасида сулҳга қайтиш мақсадида музокаралар давом этаётганини хабар қилди.
Изоҳ (0)