Шавкат Мирзиёев Дубай шаҳрига ташрифнинг ишбилармонлик тадбирлари доирасида 2 декабрь куни Бирлашган Араб Амирликлари инвестиция вазири, АDQ холдинги бош ижрочи директори Муҳаммад Ҳасан ал-Сувайдий бошчилигидаги делегацияни қабул қилди. Бу ҳақда Президент матбуот хизмати хабар берди.
Маълум қилинишича, учрашувда ТАQА компанияси раҳбари Жасим Ҳусайн Табет ва Masdar компанияси раҳбари Муҳаммад Жамил ал-Рамаҳий ҳам қатнашган.
Унда Савдо-иқтисодий ва инвестициявий ҳамкорликдаги қўшма лойиҳаларни қўллаб-қувватлаш ва илгари суриш масалалари кўриб чиқилган. Иқтисодиётнинг устувор тармоқларида шериклик жадал ривожланиб бораётгани мамнуният билан қайд этилган.
“Энергетика секторидаги ҳамкорлик тобора кенгайиб бормоқда. Ташриф доирасида бу йўналишда Masdar компанияси билан Стратегик шериклик тўғрисида битим имзоланди”, — дейилади хабарда.
Учрашув якунида Шавкат Мирзиёев Masdar бош ижрочи директори Муҳаммад Жамил ал-Рамаҳийга кўп қиррали Ўзбекистон—БАА муносабатлари ривожига қўшган шахсий ҳиссаси учун Ўзбекистоннинг юксак давлат мукофоти — “Дўстлик” орденини топширди.
Изоҳ (0)