Олти ҳафталик қаттиқ қаршиликдан сўнг, Украина армияси Авдеевканинг биринчи туманидан чекинди. Рус қўшинлари шаҳарга тахминан бир километр чуқурроқ кириб борди. Бу ҳақда Билд хабар берди.
Россия армиясининг дронлари томонидан олинган видеотасвирларда 50 га яқин украиналик аскарлар саноат ҳудудини ва яқин атрофдаги қишлоқни тарк этиб, ғарбга қараб кетаётганини кўриш мумкин. Айни пайтда улар Украина қўшинлари олиб чиқиб кетилганидан бир неча дақиқа ўтиб Авдеевканинг жанубий қисмида позицияларини эгаллаган рус танклари ва пиёда аскарлари томонидан қаттиқ ўққа тутилган.
Саноат зонасини йўқотиш оғриқли бўлиши мумкин. Сабаби 2014 йил Украина бу ерда ўзининг илғор позицияларини яратган ва шундан бери уларни кенгайтиришда давом этмоқда.
Украина армиясининг таъкидлашича, “ҳарбийлар жанговарлар сафда туриб, босқинчи кучларга катта талофат етказмоқда”. Бироқ, бу баёнотлар яқин вақтгача ҳали ҳам Украина назорати остида бўлган саноат зонасининг ғарбий қисмида Россия Т-80 танкларини кўрсатадиган рус дронлари томонидан олинган тасвирларга зид келади.
Ўн километр шимолда, Авдеевканинг нариги учида, Украина учун вазият яхшироқ. Бу ерда ҳам рус қўшинлари шаҳар чегараларигача олдинга силжиган. Бироқ, 47-бригаданинг янги бўлинмалари Bradley жанговар машиналари ёрдамида уларни катта йўқотишларга юзлаштирди. Бу Россия ҳарбийларининг бир неча юз метр орқага чекинишига олиб келди.
Бироқ, кузатувчилар Бахмутнинг тақдири Авдеевкада такрорланиши мумкинлигини тахмин қилмоқда. Ўшанда 11 ойлик оғир жанглардан сўнг, рус қўшинлари май ойида Бахмутдаги аҳоли пунктини эгаллаганини эълон қилишга муваффақ бўлган.
Изоҳ (0)