АҚШнинг Тошкентдаги элчихонаси DV-2023 (грин-карта) дастури орқали иммиграцион визаларни тақдим этиш бўйича дунёда 7-ўринни эгаллади. Бу ҳақда элчихона матбуот хизмати хабар берди.
Сентябрь бошида АҚШ ҳукумати жорий 2023 йилги DV дастури учун белгиланган барча иммиграцион визаларни тақдим этгани маълум бўлганди. Сентябрь ойининг қолган кунларига белгиланган DV дастури бўйича суҳбатлар бутун дунё бўйлаб, жумладан, Ўзбекистонда ҳам бекор қилинган эди.
Green Card 2025 лотереясида иштирок этиш учун аризалар қабули 4 октябрдан бошланиб, 7 ноябргача давом этди.
Green Card ўзи нима ва нега ҳамма уни қўлга киритишни хоҳлайди?
АҚШ грин-картаси — АҚШ фуқароси бўлмаган, аммо у ерда доимий яшайдиган одамнинг истиқомат учун гувоҳномаси борлигини тасдиқлайдиган ва унга ишга жойлашиш ҳуқуқини берадиган идентификация картаси.
Грин-карта ҳеч қандай тўсиқларсиз мамлакатни тарк этиш ва қайтиб келиш, ишлаш, кўчмас мулкка эгалик қилиш, маҳаллий банкларда манфаатлироқ кредитларни олиш, олий таълим муассасаларида чегирмалар билан ўқиш ва АҚШ фуқаролари учун мўлжалланган стипендияларга даъвогарлик қилиш, баъзи турдаги қуролли кучларда хизмат қилиш ҳамда Америка фуқаролари учун бошқа имтиёз ва нафақалардан фойдаланиш имконини беради.
Грин-карта одатда 10 йилга берилади, унга эга бўлгандан сўнг 5 йил ўтгач, АҚШ фуқаролигини олиш учун ариза бериш мумкин.
Изоҳ (0)