“Ўзгидромет” ноябрь ойининг сўнгги кунлари ва декабрь ойининг боши учун об-ҳаво прогнозини эълон қилди.
Унга кўра, 27—28 ноябрь кунлари Ўзбекистон ҳудудининг катта қисмида қуруқ ва илиқ об-ҳаво сақланиб туради, ҳаво ҳарорати 20-25 даражагача илиқ бўлади. 28 ноябрда фақат Қорақалпоғистон Республикаси, Хоразм вилоятининг баъзи жойларида бир оз ёмғир ёғади. Шимолда ва чўл ҳудудларда шамол 15-20 метр/секундгача кучайиши мумкин.
29 ноябрда шимол-ғарбий ҳудудларидан нам ҳаво оқими кириб келиши ва республика ҳудудининг катта қисмида тарқалиши кутилмоқда. Республика ҳудуди бўйича баъзи жойларда ёмғир ёғади, шамол кучаяди. Қорақалпоғистон Республикаси, Хоразм вилояти ва Фарғона водийсида ёғингарчилик кутилмайди.
30 ноябрда ёмғир фақат Фарғона водийси вилоятларида ёғади, бошқа ҳудудлар учун ёғингарчилик кутилмайди.
1 декабрда бутун ҳудуд бўйлаб қуруқ об-ҳаво кузатилади.
29 ноябрдан ҳаво ҳарорати пасайишни бошлайди ва иш ҳафтасининг иккинчи ярмида кечаси 2-7 даража, кундузи 10-15 даража илиқ, Республиканинг шимолий ҳудудида ҳарорат кечаси 0-5 даража совуқ, кундузи 5-10 даража илиқни ташкил этади.
Тошкентда 27—28 ноябрь кунлари ёғингарчилик кутилмайди. Ҳарорат кундузи 21-24 даража илиқ бўлади. 29 ноябрда вақти-вақти билан ёмғир ёғади. Ҳарорат 15-17 даража илиқ бўлади. 30 ноябрь ва 1 декабрда ёғингарчилик кутилмайди. Ҳаво ҳарорати кечалари 2-7 даража, кундузи 10-15 даража илиқ бўлади.
Изоҳ (0)