НАТО бош котиби альянснинг асосий вазифасини айтди

Россия билан ҳарбий кескинликнинг кучайишининг олдини олиш НАТОнинг асосий вазифаси, деди ташкилот бош котиби Йенс Столтенберг. 

“Энг муҳим вазифа бу кескинлашувнинг олдини олиш, бу можаронинг Россия ва НАТО ўртасидаги кенг кўламли урушга айланиб кетишига йўл қўймасликдир. Чунки бу янада кўпроқ азоб-уқубатлар, ўлим ва ҳалокат олиб келади”, — деди у ва иттифоқнинг иккинчи асосий вазифаси Украинани қўллаб-қувватлаш эканини қўшимча қилди.

Столтенберг, шунингдек, НАТОнинг шарқий қанотида кенгайишини унинг аъзоларининг ўзини ҳимоя қилишга тайёрлиги билан изоҳлади. “Биз буни можаро қўзғаш учун эмас, балки унинг олдини олиш учун қиляпмиз”, деб таъкидлади бош котиб.

Аввалроқ Столтенберг Украинадаги можаро ҳудудидаги вазият мураккаб эканлиги, НАТОдан Киевга ёрдамни кучайтиришни талаб қилишини айтганди. Альянс раҳбари Россиянинг ғалаба қозонишига йўл қўймасликка чақириб, Украина ўз мустақиллигини сақлаб қолиши кераклигини қўшимча қилди.