Қашқадарё вилояти Шаҳрисабз туманида 14 ёшли қиз етти ой давомида мажбуран сақланиб, турли шахслар билан жинсий алоқа қилишга мажбурлаб келингани ҳақида тарқалган хабарлар юзасидан Ижтимоий ҳимоя миллий агентлиги муносабат билдирди.
Унда айтилишича, агентлик томонидан ишчи гуруҳ тузилиб, тезкор ўрганишлар олиб борилди. Дастлабки маълумотларга кўра, вояга етмаган Ч.Т. Қашқадарё вилояти Китоб туманида яшовчи отаси Ғ.Ж. қарамоғида экани, онаси Х.С. 2023 йил январида Россияга ишлаш учун кетиб, бугунги кунгача қайтиб келмагани аниқланган.
Қизнинг 7 ой давомида фуқаро Н.А. уйида 7 ой давомида мажбуран сақлаб келиниб, зўрлик ва таҳдид орқали турли шахслар билан жинсий алоқа қилишга мажбурлагани ҳақида унинг тоғаси хабар қилган.
Ижтимоий ҳимоя миллий агентлиги Китоб тумани “Инсон” ижтимоий хизматлар маркази томонидан психолог ва педагоглардан иборат ишчи гуруҳ бугунги кунда вояга етмаган Т.Ч.нинг жисмоний ва руҳий саломатлигини тиклаш ҳамда мазкур ҳолатнинг келиб чиқиш сабаблари ҳамда уни бартараф этиш чоралари юзасидан “ижтимоий иш” очилиб, ҳолат юзасидан комплекс ўрганишлар давом эттирилаётганлигини маълум қиламиз, — дейилади хабарда.
Ҳолат юзасидан фуқаро Н.А.га нисбатан Жиноят кодексининг 135-моддаси 3-қисми “а” банди билан (одам савдоси, вояга етмаган шахсга нисбатан) жиноят иши қўзғатилиб, тергов гуруҳи тузилган ва тезкор равишда тергов ҳаракатларига киришилган.
Жиноят иши Бош прокуратура ва болалар омбудсманининг алоҳида назоратида.
Изоҳ (0)