Бухоро вилояти мактабгача ва мактаб таълими бошқармаси Когонда 2 ёшли болани урган боғча тарбиячиси юзасидан маълумот берди.
Ижтимоий тармоқларда Бухоро вилояти Когон шаҳридаги боғчаларнинг бирида бола калтаклангани акс этган видео тарқалганди. Мурожаатда келтирилишича, ушбу ҳолат Когон шаҳридаги “Қуёшжон” оилавий нодавлат таълим ташкилотида рўй берган.
Мазкур маълумотларга аниқлик киритиш мақсадида Когон шаҳар мактабгача ва мактаб таълими бўлими томонидан тегишли ташкилотлар ҳамкорлигида ўрганиш олиб борилган. Жараёнда ушбу ҳолат 20 ноябрь куни соат 09:30 ларда Когон шаҳридаги “Қуёшжон” оилавий нодавлат мактабгача таълим ташкилотида содир бўлгани аниқланган.
Вазифасини қўпол равишда бузган тарбиячи билан тузилган меҳнат шартномаси бекор қилинган.
Айни пайтда унинг ҳатти-ҳаракатларига қонуний баҳо бериш мақсадида ҳуқуқ-тартибот идоралари томонидан суриштирув ишлари олиб борилмоқда, — дейилади хабарда.
Аввалроқ Хоразмдаги хусусий боғчада болаларга қўполлик қилган тарбиячи ишдан олингани тўғрисида хабар берилганди.
Изоҳ (0)