Қозоғистон президенти Қосим-Жўмарт Тўқаев 2060 йилгача Республика углерод нейтраллигига эришишни мақсад қилганини маълум қилди. Бу ҳақда Tengrinews хабар берди.
Тўқаев БМТнинг Марказий Осиё иқтисодиёти учун махсус дастурининг (SPЕКА) иштирокчи давлат раҳбарлари саммитида сўзлаган нутқида шундай фикрни билдирди. У давлат раҳбарларини муқобил энергия манбаларига ўтиш бўйича биргаликдаги саъй-ҳаракатларни фаоллаштиришга ва Қозоғистоннинг Олмаотада иқлим масалалари бўйича Марказий Осиё лойиҳа идорасини яратиш ташаббусини қўллаб-қувватлашга чақирди.
“Рақамли технологиялар ва сунъий интеллект соҳасидаги ўзаро ҳамкорлик кенг истиқболларни очмоқда. Сунъий интеллектнинг жадал ривожланиши ишлаб чиқариш, меҳнат бозори ва хизмат кўрсатиш соҳасини трансформация қилиш бўйича олдимизга долзарб вазифаларни қўймоқда.
Мамлакатимизда давлат хизматларининг 90 фоиздан ортиғи электрон шаклда хизмат қилади, нақд пулсиз операциялар улуши 80 фоиздан ошди. IT соҳаси экспорти ҳажми ўтган йилнинг ўзида 5 баравар ошди. 2026 йилга бориб бу кўрсаткични бир миллиард долларга етказиш ниятидамиз”, — деди Қозоғистон президенти.
Изоҳ (0)