Расман: “Пахтакор” — Суперлига 2023 йилги мавсум чемпиони

Футбол бўйича Ўзбекистон Суперлигасининг 25-турида “Пахтакор” 24 ноябрь, жума куни “Сурхон” меҳмони бўлди.

Учрашувнинг биринчи бўлимида дарвозалар ишғол этилмади. Иккинчи бўлимда эса “шерлар” ҳисобни очди. 53-дақиқада Дилшод Саитoв ўз номига гол ёздириб қўйди. 66-дақиқада Азизбек Турғунбоев ҳисобни ишончли кўринишга олиб келди.

72-дақиқада “Сурхон” футболчиси Сильванус Нимели ҳисобни қисқартирди. Қолган дақиқаларда дарвозалар ишғол этилмади ва “Пахтакор” ғалабани расмийлаштирди.

Шу тариқа “Пахтакор” очколари сонини 53 тага етказди ва муддатидан олдин 2023 йилги Суперлига чемпионига айланди.

Суперлига

25-тур

24 ноябрь, жума

“Сурхон” – “Пахтакор” 1:2

Голлар: 0:1 — 53 Дилшод  Саитoв, 0:2 — 66 Азизбек Турғунбоев, 1:2 — 72 Сильванус Нимели.

“Сурхон”: 1. Артём Потапов, 2. Бобиржон Асқаров, 3. Суннатуллоҳ Ҳамиджонов, 5. Азизбек Пирмуҳаммадов (66. Беҳруз Шайдулов, 71), 6. Артём Сокал, 7. Достонбек Турсунов, 10. Тамирлан Жамалутдинов (9. Муҳаммад Али Абдураҳмонов, 46), 15. Диёр Рамозонов, 18. Сильванус Нимели, 19. Нуриддин Ҳасанов, 27. Асилбек Жумаев (77. Асадбек Каримов, 71).

“Пахтакор”: 36. Павел Павлюченко, 2. Беҳруз Асқаров (40. Кими Мерк, 71), 3. Ҳожиакбар Алижонов (77. Дилшод Саитoв, 8), 5. Муҳаммадқодир Ҳамралиев, 7. Одилжон Ҳамробеков, 10. Драган Черан, 11. Пўлатхўжа Холдорхонов (20. Ҳожимат Эркинов, 54), 17. Достонбек Ҳамдамов (8. Азизбек Турғунбоев, 54), 27. Сардор Собирхўжаев (28. Диёр Холматов, 46), 34. Фарруҳ Сайфиев, 88. Шаҳзод Азмиддинов.

Огоҳлантириш: Достон Турсунов (13).