Қозоғистоннинг Олмаота шаҳрида ўтказилган тезкор тадбирлар давомида фоҳишалик билан шуғулланиб келган Ўзбекистон ва Қирғизистон фуқаролари қўлга олинди. Бу ҳақда Олмаота полицияси хабар берди.
Маълум қилинишича, Олмаотада ўтказилган тезкор тадбирда шаҳардаги меҳмонхоналарнинг бирида интим хизмат кўрсатиш билан шуғулланиб келган 11 нафар аёл аниқланган. Уларнинг тўрт нафари 1997, 2000 ва 2003 йилда туғилган Ўзбекистон ва Қирғизистон фуқароларидир.
Ҳуқуқбузарлар Атирау тумани ички ишлар бўлимига олиб борилган. Меҳмонхонада қўлга олинган аёлларнинг олти нафарига нисбатан маъмурий баённома расмийлаштирилган. Меҳмонхона эгаси эса жавобгарликка тортилган.
Сентябрь ўрталарида Қозоғистоннинг Атирау вилоятида 1998 йилда туғилган синглисини фоҳишаликка жалб қилган Ўзбекистон фуқароси аниқланган эди. Бир неча кун олдин эса Ички ишлар вазирлиги Интерпол Миллий марказий бюроси ходимлари томонидан одам савдоси жиноятида гумон қилинаётган аёл Маскатдан Тошкентга олиб келинганди.
Фоҳишаликка юбориш ҳолатлари
Апрель ойида ИИВ Тезкор қидирув департаменти томонидан аёлларни хорижий валютада баҳолаб, интим хизматлар кўрсатиш учун шароит яратиб берган ҳамда ёш қизларни чет мамлакатларга олиб бориб, тазйиқ ва зўравонлик остида мажбуран шаҳвоний эксплуатация қилиб келган гуруҳлар фаолиятига чек қўйилганди.
Шунингдек, Тошкент вилоятида қизларни Индонезияга фоҳишаликка юбормоқчи бўлганлар қамалгани тўғрисида хабар берилганди. Самарқандда 29 ёшли фуқарони Дубайга фоҳишаликка юбораётган аёл ушлангани, Интерпол одам савдоси бўйича қидирувда бўлган аёлни БААдан Ўзбекистонга депортация қилгани маълум бўлганди.
Изоҳ (0)