Остонада қизамиқ билан касалланиш ҳолатлари кўпайди, касалланганларнинг аксарияти эмланмаган болалардир. Шаҳар ҳокимлигидан олинган маълумотларга кўра, болалар юқумли касалликлар шифохонасига 111 фоиз юклама тушган, деб хабар бермоқда “Власт.кз”.
“3-сонли кўп тармоқли шаҳар болалар шифохонасида ётоқ сиғими 300 ўринни ташкил этади. Бироқ мавсумий юқумли касалликлар, хусусан, қизамиқ билан касалланганлар сони кўпайгани сабабли сиғим 557 тага, 20 та реанимация ўринлари эса яна 20 тага кўтарилди”, — дейилади хабарда.
Касалхонага ётқизилганларнинг 96 фоизи эмланмаган болалар, олти нафар бемор реанимацияда, тўрт нафарининг аҳволи оғир, икки нафарининг аҳволи ўта оғир.
Шифокорларнинг сўзларига кўра, асосан 14 ёшгача бўлган болалар касалликка чалинмоқда. Шу билан бирга, агар илгари бир ёшдан бошлаб болалар қизамиқ билан касалланган бўлса, энди беморлар орасида 5-6 ойлик болалар ҳам бор.
Шаҳар соғлиқни сақлаш бошқармаси маълумотларига кўра, шаҳарда қизамиққа қарши ўринларнинг умумий сони 42 фоизни ташкил этади. Катта ёшдаги аҳоли орасида 63 нафар бемор қизамиқ билан касалхонага ётқизилган. Уларнинг аҳволи ўртача оғирликда. Касалхонадаги беморларнинг 70 фоизи бир ёшдан етти ёшгача бўлганлардир.
Аввалроқ Олмаотада қизамиқ эпидемияси туфайли юқумли касалликлар шифохоналари 90,3 фоизга тўлгани ҳақида хабар берилганди. У ерда ҳам асосан эмланмаганлар касалликка чалинмоқда.
Изоҳ (0)