Авваллари қироллик оиласи аъзоларининг шахсий ҳаёти жамоатчилик эътиборидан бутунлай яширилган. Бироқ замон ўзгармоқда, энди уларни ижтимоий тармоқларда ҳам тез-тез кўриш мумкин. Шунинг учун баъзи шаҳзода ва маликалар Instagram профиллари орқали обуначиларига улар билан яқинроқ танишиш имкониятини беради.
Йорк маликаси Евгения — @princeseugenie
Британия қироллик оиласининг аксарият аъзолари ижтимоий тармоқларда шахсий хабарлар ёзишдан тийилишса-да, малика Евгения буни катта завқ билан амалга оширади. У мунтазам равишда оилавий расмларини баҳам кўради ва Hauser & Wirth санъат галереясида ишлайди.
Греция ва Дания маликаси Татьяна — @tatianablatnik
Малика Татьяна — собиқ Греция қиролининг ўғли князь Николаоснинг рафиқаси. Қироллик оиласи аъзоси бўлгунга қадар у дизайнер Диана фон Фюрстенберг билан жамоатчилик билан алоқалар соҳасида ишлаган.
Маноко маликаси Камилла Готтлиб — @camillerosegottlieb
Грэйс Келлининг набираси Камилла Готтлиб Instagram’даги саҳифасига расмларини тез-тез жойлаб туради. Буни унинг севимли машғулоти деса ҳам бўлади.
Греция валиаҳд маликаси Мари-Шантал — @mariechantal22
Грециянинг валиаҳд маликаси Мари-Шантал валиаҳд шаҳзода Павлосга турмушга чиққан ва беш фарзанднинг онаси. 2000 йилда у ўзининг Marie-Chantal болалар кийимлари брендини очди.
Греция ва Дания маликаси Мария Олимпия — @olympiagreece
Малика Мария Олимпия ижтимоий тадбирларнинг катта мухлиси ҳисобланади. Шунинг учун уни тез-тез машҳур зиёфатларда, масалан, Никки ёки Перис Хилтон билан биргаликда кўриш мумкин.
Греция ва Дания маликаси Теодора — @tgreece
Грециялик Константин II ва даниялик Анна Мариянинг кенжа қизи Браун университетини театр санъати бўйича бакалавр даражаси билан тамомлаган. Ҳозирда у ижтимоий тармоқлардан кўп фойдаланмайди, аммо шунга қарамай аккаунти бор.
Полин Дюкре — @paulinedcrt
Монако маликаси Стефания ва Даниэль Дюкренинг иккинчи фарзанди Полин ҳозир Нью-Йоркда яшайди ва ўзининг Alter Designs бренди билан шуғулланади.
Элизабет Турн-и-Таксис — @elisabethtnt
Малика Элизабет Германиядаги энг бой оилалардан бирининг қизи. Бироқ у ҳозир Лондонда яшайди ва машҳур мода журналида муҳаррир бўлиб ишлайди.
Изоҳ (0)