Қатарнинг Доҳа шаҳрида 23 ёшгача бўлган футболчилар ўртасидаги 2024 йилги Осиё Кубогига қуръа ташланди.
Унга кўра, Ўзбекистон U-23 терма жамоаси D гуруҳидан жой олди. Ўзбекистоннинг рақиблари Вьетнам, Кувайт ва Малайзия бўлади. Гуруҳ босқичи учрашувлари 2024 йилнинг апрель ойида бўлиб ўтади.
Қолган гуруҳлардаги жамоалар билан танишинг:
Ўзбекистон U-23 терма жамоаси жой олган D гуруҳида 1-ўринни эгаллаган жамоа чорак финалда C гуруҳида 2-ўринни олган жамоага қарши майдонга тушади. D гуруҳида иккинчи бўлган терма жамоа C гуруҳи ғолибига қарши ярим финал учун курашади. Қайд этиб ўтиш жоиз, C гуруҳидан Саудия Арабистони, Ироқ, Таиланд ва Тожикистон терма жамоалари жой олган.
Эслатиб ўтамиз, U-23 Осиё Кубоги 2024 йилнинг 15 апрелидан 3 майига қадар Қатарда бўлиб ўтади.
Мазкур турнирда энг яхши учта ўринни эгаллаган жамоа 2024 йилги Париж Олимпиадаси йўлланмасини қўлга киритади, тўртинчи ўринни эгаллаган жамоа эса Африканинг Гвинея жамоасига қарши плей-офф баҳсида майдонга тушади.
Изоҳ (0)