Актёрлар кўп вақтларини суратга олиш майдончасида ўтказади, шунинг учун кўпинча бегоналар ҳам яқин дўст бўлиб кетади. Баъзан уларга бир-бири билан ишлаш шунчалик қулайки, улар бошқа ҳеч кимни экрандаги шериги сифатида тасаввур қила олмайди.
Дэвид Теннант ва Майкл Шин
Ҳамкорликдаги фильмлари: 6 та — “Олтин ёшлик”, “Доктор ким”, “Яхши аломатлар”, “Яхши аломатлар: Локдаун”, “Саҳналаштириш”, “Қум одам”.
Ҳайрон қолишингиз мумкин, аммо уларнинг узоқ йиллик ва самарали ҳамкорлигига қарамай, актёрлар Дэвид Теннант ва Майкл Шин фақат “Яхши аломатлар” сериалидагина дўстлашиб олишади. Биринчи мавсум чиққандан сўнг, пандемия пайтида улар ”Саҳналаштириш” фильмини яратишга қарор қилишади. Уларнинг фильмдаги қаҳрамонлари видео ҳавола орқали спектаклни машқ қилишга ҳаракат қилишади. Афтидан, актёрлар қийин даврда мухлисларни хушнуд этиш учун ҳамма нарса қилишмоқчига ўхшайди.
Адам Сендлэр ва Дрю Бэрримор
Ҳамкорликдаги фильмлари 3 та — “Тўйдаги хонанда”, “50 та биринчи бўса”, “Аралаш-қуралаш”.
Адам Сендлэр иштирокидаги романтик комедияларни Дрю Бэрриморсиз тасаввур этиб бўлмайди. Ўз китобида актриса у билан фильмда роль ўйнашни орзу қилганини тан олди. Бироқ ҳаётда улар шунчаки яқин дўст. Айтганча, Сендлэрнинг рафиқаси Бэрриморнинг ашаддий мухлиси, у эрига суратга олиш майдончасидаги актрисани кўриш учун борини беришини айтган.
Райан Гослинг ва Эмма Стоун
Ҳамкорликдаги фильмлари: 3 — “Аҳмоқона севги”, “Гангстер овчилари”, “Ла-Ла Ленд”.
Томошабинлар севадиган яна бир юлдузли тандем. Тандем 2011 йилда “Аҳмоқона севги” фильмини суратга олиш жараёнида шаклланган. Бу фильмда актёрлар аввалига душманларча муносабатда бўлган, кейин бир-бирини севиб қолган қаҳрамонларни ижро этишган. Бироқ кўпчилик бу лойиҳани эслай олмайди, чунки уларнинг карьерасида ёрқинроқ асар бор — “Ла-Ла Ленд”. Айтганча, унинг учун Эмма Стоун “Оскар”га муносиб кўрилади. Юлдузлар биргаликда ишлашни яхши кўришини бир неча бор таъкидлаган.
Крис Эванс ва Скарлетт Йоханссон
Ҳамкорликдаги фильмлари 8 та — “Юқори балл”, “Энаганинг кундалиги”, “Қасоскорлар”, “Биринчи қасоскор: Капитан Америка”, “Қасоскорлар: Алтрон даври”, “Капитан Америка: Фуқаролар уруши”, “Қасоскорлар: Абадият жанги”, “Қасоскорлар: Хотима”.
Скарлетт Йоханссон ва Крис Эванс ўртасида умумий бўлган фильмлар сони “Қасоскорлар” жамоаси ҳақидаги Marvel фильмларидаги роллари ҳисобига кўп. Аммо улар бошқа фильмларда ҳам ҳамкорлик қилган, актёрлар ёшликдан бир-бирини яхши таниган. “Биз кўпинча муносабатлар, оилаларимиз, одамлар билан мулоқот қилиш ва бошқа мавзулар ҳақида суҳбатлашардик”, — деб эслайди Йоханссон.
Жонни Депп ва Ҳелена Бонем Картер
Ҳамкорликдаги фильмлари 6 та — “Чарли ва шоколад фабрикаси”, “Суини Тодд”, “Алиса мўжизалар мамлакатида”, “Қора соялар”, “Ёлғиз қўриқчи”, “Алиса сеҳрли кўзгу ортида”.
Аксарият фильмларни бу икки актёр иштирокида суратга олган режиссёр Тим Бёртонсиз экстравагант кино жуфтлигини тасаввур қилиб бўлмайди. Кўринишидан, режиссёрга собиқ севгилиси ва яқин дўсти ижросидаги тандем ёқади. Айтганча, Депп Голливуд юлдузлари фарзандларининг чўқинтирган отаси ҳисобланади. Ҳелена ҳар доим Жонни билан ишлаш ҳақида илиқ гапириб, уни профессионал деб атаган.
Бредли Купер ва Женнифер Лоуренс
Ҳамкорликдаги фильмлари 4 та — “Менинг йигитим телба”, “Американча фирибгарлик”, “Серена”, “Жой”.
Бредли Купер ва Женнифер Лоуренс 2012 йилдан бери тўртта фильмда суратга тушган. Улар биринчи марта актриса “Оскар” олган “Менинг йигитим телба” фильмида бирга суратга тушишади. “Ёш фарқига қарамай, биз бир-биримизни жуда яхши тушунамиз ва унинг бадиий етуклиги мени доим ҳайратда қолдирган”, — дейди Купер Лоренс ҳақида.
Бен Стиллер ва Оуэн Уилсон
Ҳамкорликдаги фильмлари 12 та — “Кабелчи”, “Абадий кеча”, “Ота-оналар билан танишув”, “Намунали эркак”, “Тененбаумлар оиласи”, “Старский ва Хатч”, “Фокерлар билан танишув”, “Музейдаги тун”, “Музейдаги тун 2”, “Фокерлар билан танишув 2”, “Музейдаги тун: сеҳрли тахтача сири”, “Намунали эркак 2”.
Бен Стиллер Уэс Андерсоннинг “Шиша ракета” дебют фильмида Оуэн Уилсон билан танишиб қолган. Кейин унга хат ёзиб, у билан биргаликда ишлашни хоҳлашини айтади. Актёрлар биринчи марта 1996 йилда “Кабелчи” фильмида суратга тушади. Улар жуда дўстона муносабатда бўлишади, бир-бирлари ҳақида фақат ижобий сўзлар айтишади.
Изоҳ (0)