Жорий йилнинг октябрь ойида Тошкент шаҳрида барча турдаги хонадонлар учун таклиф этилаётган ижара нархлари 2022 йилнинг мос давридагига нисбатан арзонлашган. Бу ҳақда Макроиқтисодий ва ҳудудий тадқиқотлар институти хабар берди.
Ўртача таъмирлаган уйлар ижара ҳақи 6-14 фоизгача пасайган
Ўтган ойда Тошкент шаҳри туманлари кесимида бир хонали хонадон учун ўртача ижара нархи 370 доллардан 348 долларга (-5.9 фоизга), икки хонали уйники 474 доллардан 437 долларга (-7.8 фоиз) арзонлашган. Уч хонали хонадонлар ижараси 611 доллардан 526 долларга (-13.9 фоиз), тўрт хоналилариники 729 доллардан 633 долларга (-13.2 фоиз) пасайган.
Бир хонали уйлар учун ижара нархларининг энг юқори тушиши Учтепа (-26,9 фоиз), Юнусобод (-17,5 фоиз), Яккасарой (-14,7 фоиз), Олмазор (-11,4 фоиз) туманларида кузатилган бўлса, қолган туманларда 10 фоиздан кам тушиш қайд этилган.
Икки хонали уйлар учун Бектемир (-20,2 фоиз), Юнусобод (-13,7 фоиз), Яшнобод (-12,8 фоиз), Олмазор (-10,8 фоиз) ҳамда Мирзо Улуғбек (-10,3 фоиз) туманларида ижара нархлари 10 фоиздан кўпроқ тушгани аниқланган.
Уч хонали уйлар учун Олмазор (-22,2 фоиз), Мирзо Улуғбек (-21,6 фоиз), Яшнобод (-20,9 фоиз) ва Шайхонтоҳур (-18,6 фоиз) туманларида ижара нархлари 10 фоиздан юқори пастлагани кузатилган.
Тўрт хонали уйлар учун Сергели (-28,6 фоиз), Юнусобод (-25,8 фоиз) ва Мирзо Улуғбек (-24 фоиз) туманларида ижара нархларида 20 фоиздан кўпроқ тушган.
Тўлиқ таъмирланган уйлар ижараси 6-16 фоизгача пайсайди
Пойтахтда октябрь ойида тўлиқ таъмирланган бир хонали уй ижарасининг ўртача нархи 557 доллардан 508 долларга (-8.8 фоизга), икки хонали хонадонларники 695 доллардан 651долларга (-6.3 фоиз) арзонлашган.
Уч хонали квартиралар ижара ҳақи 867 доллардан 790 долларга (-8.9 фоиз), тўрт хонали уйларники 1102 доллардан 930 долларга (-15.6 фоиз) тушган.
Таҳлилларга қараганда, охирги бир йил ичида тўлиқ таъмирланган уйлар учун ижара нархлари Тошкент шаҳрида ўртача 9,9 фоизга пасайган. Туманлар кесимида олганда бир хонали уйлар учун Учтепа (-16,7 фоиз), Яккасарой (-15,5 фоиз) ва Миробод (-15,4 фоиз) туманларида ижара нархлари 15 фоиздан кўпроқ тушгани кузатилган.
Икки хонали уйлар учун Олмазор (-15 фоиз), Яшнобод (-11,3 фоиз), Яккасарой (-10,8 фоиз) ҳамда Учтепа (-10,7 фоиз) туманларида ижара нархлари 10 фоиздан кўпроқ тушган.
Уч хонали уйлар ижара ҳақида Учтепа (-20,7 фоиз) ва Олмазор (-20 фоиз) туманларида нисбатан кўпроқ пасайиш қайд этилган.
Тўрт хонали уйлар учун Яккасарой (-29,7 фоиз) ва Чилонзор (19,8 фоиз) туманларида ижара нархларининг тушиши кузатилган.
2022 йилда Тошкент шаҳрига релокантлар оқимининг кўпайиши ҳамда янги ўқув йили бошланиши билан талабалар томонидан ижарага бўлган талабнинг ошиши натижасида ўтган йилнинг сентябрь - октябрь ойларида ижара нархлари сезиларли даражада ошиб кетган эди.
Изоҳ (0)