Қозоғистон ташқи ишлар вазирининг биринчи ўринбосари Кайрат Умаров парламент мажлиси чоғида Қозоғистон КХШТдан чиқиш имкониятини кўриб чиқяптими ёки йўқлигини айтди. Бу ҳақда Zakon.kz хабар берди.
Кайрат Умаров Қозоғистоннинг КХШТга аъзо бўлиши борасида кўплаб фикрлар борлигини айтди.
“Ҳозиргача бирор давлат бу ташкилотга аъзолигини тугатиш учун расман мурожаат қилмаган. Шунинг учун биз КХШТ таркибида ҳеч қандай ўзгаришлар бўлишини кутмаймиз. Доим бундай ташкилотнинг ташқарисида бўлишдан кўра, унинг ичида бўлиш яхшироқ. Қозоғистоннинг бундай (КХШТдан чиқиш) режалари мутлақо йўқ. Ушбу ташкилотнинг пайдо бўлишининг бошида ўзимиз эдик. Бу бизнинг манфаатларимиз учун ишлайди, деб ҳисоблаймиз”, — дейди Умаров.
Унинг қўшимча қилишича, КХШТ доирасидаги барча қарорлар умумий консенсус асосида қабул қилинади.
“Ҳеч бир давлатга ҳеч қандай қарор юкланиши мумкин эмас. Ташкилот бизнинг манфаатларимизга жавоб беради ва КХШТга аъзо давлатлар ўртасидаги ҳамкорлик масалаларини муҳокама қилиш имконини беради”, — деди у.
Изоҳ (0)