Berkshire Hathaway Travel Protection экспертлари гуруҳи 2024 йилда ташриф буюриш учун дунёдаги энг хавфсиз мамлакатлар рейтингини тузди.
Унга кўра, Канада Исландия ва Норвегияни ўзиб кетган ҳолда рейтингда биринчи ўринни эгаллади.
Қайд этилишича, тадқиқот доирасида компания экспертлари сўнгги беш йил давомида турли мамлакатларга ташриф буюрган саёҳатчилар ўртасида сўровнома ўтказган, шунингдек, Глобал тинчлик индекси ва АҚШ Давлат департаментининг саёҳат хавфсизлиги рейтинглари маълумотларини ўрганган.
Хусусан, Канада у ерда содир этилган зўравонлик жиноятларининг камлиги туфайли рейтингда биринчи ўринни эгаллади. Мамлакат террористик таҳдидлар, шунингдек, аёл саёҳатчилар учун ҳам энг хавфсиз деб топилди.
Рейтингда иккинчи ўрин терроризм ва аёллар учун дунёдаги энг хавфсиз жойлардан бири сифатида тан олинган Швейцарияга насиб этди. Норвегия зўравонлик даражаси пастлиги туфайли учинчи ўринни эгаллади.
2024 йилда ташриф буюриш учун дунёдаги энг хавфсиз 10 та давлат:
- 1. Канада
- 2. Швейцария
- 3. Норвегия
- 4. Ирландия
- 5. Нидерландия
- 6. Буюк Британия
- 7. Португалия
- 8. Дания
- 9. Исландия
- 10. Австралия
Изоҳ (0)