Исроил ва ҲАМАС ташкилоти уруши фонида Жо Байденнинг АҚШ президенти сифатидаги фаолиятини америкаликлар томонидан маъқулланиш даражаси 40 фоизга тушди. Бу ҳақда NBC News миллий сўрови маълумотларида келтирилган.
Сўров натижаларига кўра, сайловчиларнинг қўллаб-қувватлаш даражаси бўйича Байден биринчи марта АҚШ собиқ президенти Дональд Трампдан “эҳтимолий сайловолди пойгасида” ортда қолган — улар орасидаги фарқ минимал бўлиб турибди ва сайловларга ҳали 11 ой бор.
Байден позициясининг кучсизланиши асосан демократлар орасида кузатилмоқда — уларнинг аксарияти Исроил Ғазо секторидаги ҳарбий ҳаракатлари билан қуюшқондан чиқиб кетди деб ҳисоблайди, шунингдек, 18 ёшдан 34 ёшгача бўлган сайловчиларнинг 70 фоизи Байденнинг урушга муносабати маъқулламаяпти.
Тадқиқот муаллифлари фикрича, бундай натижалар америкаликлар томонидан Жо Байденнинг ташқи сиёсати, биринчи навбатда, унинг ҲАМАС ташкилотига қарши урушда Исроил ҳаракатларига нисбатан позицияси паст даражада маъқулланиши билан боғлиқ. Респондентлар атиги 33 фоизи Жо Байден маъмуриятининг ташқи сиёсатини ижобий баҳолаган.
Изоҳ (0)