АҚШнинг собиқ биринчи хоними Розалин Картер 97 ёшида вафот этди. Бу ҳақда Картерлар хайрия маркази матбуот хизмати хабар берди.
Маълум қилинишича, Картер хоним 19 ноябрь куни ўз уйида оламдан ўтган. “У тинч, оила даврасида кўз юмди”, — дейилади хабарда. 17 ноябрь куни аёл уйида хоспис ёрдамини олишни бошлаганди.
Розалин 1946 йилда Жимми Картерга турмушга чиққан эди, у эса 1977—1981 йилларда Қўшма Штатлар президенти бўлган.
“Розалин мен нимагаки эришган бўлсам, барчасида тенг ҳуқуқли шеригим бўлди. У менга доно маслаҳатлари ва керак бўлганда қўллаб-қувватловини бериб турди. Розалин ҳаёт экан мени кимдир яхши кўриши ва кўмаклашишини билиб яшадим”, — деганди Картер 2023 йили 1 октябрда.
Розалин Картер биринчи хонимлиги вақтида Америка соғлиқни сақлаш тизими учун вакцинацияни оддий амалиётга айлантирди — 1981 йилда мактабгача ёшда бўлганларнинг 95 фоизи қизамиқ ва бошқа касалликларга қарши эмланди. Шунингдек, АҚШ президенти рафиқалари орасида биринчи бўлиб Жаҳон соғлиқни сақлаш ташкилоти қаршисида чиқиш қилди.
Оила 1980 йилдан бошлаб хайрия билан шуғулланиб келди. Картер руҳий касаллиги бўлган одамлар камситилишига қарши курашди, Қўшма Штатларда ва хорижда руҳий саломатлик хизмати сифатини яхшилаш устида ишлади ҳамда руҳий саломатлик хизматини тарғиб қилди.
Изоҳ (0)