Андижон вилояти Олтинкўл туманида 19 ноябрь куни фуқаро Nexia-2 русумли автомашинасида йўлнинг қатнов қисмида кетаётган 25 ёшли У.О.ни уриб юборган. Бу ҳақда Андижон вилояти ИИБ ЙҲХБ ахборот хизмати “Дарё”га маълум қилди.
Айтилишича, Олтинкўл тумани ҳудудидан ўтган давлат аҳамиятидаги 4Р-112 Фарғона ҳалқа йўли автомобиль йўлининг 133-км қисмида 24 ёшли фуқаро С.М. ўзининг Nexia-2 русумли транспорт воситасида ҳаракатланиб кетаётган вақтида йўлнинг қатнов қисмида 25 ёшли У.О.ни уриб, воқеа жойидан яширинган.
Тезкор қидирув ҳаракатлари натижасида ҳайдовчи қўшни Балиқчи туманидан топилиб, ушланган.
Ушбу ЙТҲ оқибатида фуқаро У.О. тан жароҳати олиб туман шифохонасига ётқизилган. Кўрсатилган тиббий ёрдамга қарамай, у вафот этган.
Қўшимча қилинишича, мазкур ҳолат юзасидан Олтинкўл тумани ИИБ тергов бўлими томонидан суриштирув ишлари олиб борилмоқда.
Изоҳ (0)