Қироллик аъзолари фарзандини дунёга келтириши учун қанча пул тўлайди? Маликалар шаҳар касалхоналари хизматларидан фойдаланадими? Қуйида Виндзорлар Англиядаги энг яхши туғуруқхоналарга қанча пул сарфлаши ҳақида маълумот берамиз.
- Санта Барбара касалхонаси (Калифорния)
- Туғуруқ нархи: 12 мингдан — 25 минг долларгача
- Герцогиня Меганнинг танлови
Сассекс герцогиняси кичик фарзандини Санта Барбара касалхонасида дунёга келтирган. CFAH тадқиқоти шуни кўрсатадики, муассасада хизмат нархи процедура турига қараб 25 минг долларгача бўлиши мумкин. “Туғуруқ хоналарининг ҳар бирида кресло, тебранма стул ва диван, шунингдек, қулайлик учун кўплаб ёстиқлар билан жиҳозланган махсус туғуруқ каравоти мавжуд. Ҳар бир хонада Wi-Fi, видеомонитор ва компьютер клавиатураси мавжуд. Бу ерда овқат буюртма қилиш ва хонага хизмат кўрсатиш, шунингдек, оналар ва уларнинг яқинлари хоҳлаган вақтда газак тайёрлашлари мумкин бўлган ошхона мавжуд”, — дейилади Санта Барбара касалхонасининг хоналари тавсифида. Лос-Анжелесдаги машҳур шифохонада табиий йўл билан туғиш 12, 500 минг доллар туради, кесарча кесиш амалиёти эса 24, 800 доллар туради.
- Портленд касалхонаси
- Туғуруқ нархи: 15 минг доллардан
- Герцогиня Сара, малика Евгения, герцогиня Меган танлови
Малика Беатрис ва Евгения Вестминстерда Портленд кўчасидаги хусусий Америка туғуруқхонасида туғилган. Уларнинг онаси, герцогиня Сара NHS (Миллий соғлиқни сақлаш хизмати)дан ташқари касалхонада туғилган биринчи қироллик аъзосига айланди. Бу жойни британиялик машҳур ошпазлар ҳам яхши кўради – бу ерда Жейми Оливер ва Гордон Рамзининг меросхўрлари туғилган. Айтганча, малика Беатриснинг турмуш ўртоғи Эдуардо Мапелли Моззи ҳам 1983 йилда Портленд хусусий туғуруқхонасида туғилган. Герцогиня Меган ҳам мазкур касалхонанинг хизматларидан фойдаланган — 2019 йил май ойида жуфтликнинг биринчи фарзанди шу ерда туғилган. Кейинчалик малика Евгения ва Жекнинг биринчи фарзанди Аугуст туғилган. Туғуруқ нархи 12 минг доллардан 20 минг долларгача бўлади ва якуний харажат она танлаган овқатга, чақалоқлар учун сувенирларга ва бошқа деталларга боғлиқ. “Беш юлдузли овқатланиш, энг замонавий жиҳозлар, консултант эътибори ва қўлда тайёрланган кумуш совғалар сабаб ўн минглаб долларга тушиши мумкин”,— деб ёзади CFAH.
- Авлиё Мери касалхонасининг Линдо қаноти
- Туғуруқ нархи: 7 мингдан — 10 минг долларгача
- Малика Анна, малика Диана, Уэльс маликаси Кетрин танлови
Одатда машҳурлар Паддингтондаги Авлиё Мери касалхонасида Линдо қанотини афзал кўришади — бу анъанага айланган одат. Айнан шу ерда малика Анна ва малика Диана фарзандларини дунёга келтирган. Улар уйда туғишни истамаган Виндзорларнинг янги авлод вакиллари ҳисобланади. Кейин Уэльс маликаси Кетрин улардан ўрнак олган ҳолда Линдода нафақат шаҳзода Уилям, балки унинг учта фарзанди ва жиянлари ҳам туғилган (Пиппа Миддлтон бу масалада опасидан ўрнак олган). CFAH веб-сайтида айтилишича, “эксклюзив туғуруқхона нархлари бир кеча учун 7,300 доллардан бошланади ва энг ҳашаматли пакет 8 минг долларгача кўтарилиши мумкин”. Агар қўшимча бир кеча қолишни истасангиз, бу сизга 1500 долларга тушиши мумкин. Люкс хона тахминан, 9,300 долларга яқинроқ. Пакетга акушерлик хизмати, шифохона тўловлари, акушерлик қабули, қон таҳлиллари, биринчи фарзанд учун педиатр тўловлари, бола парвариши, овқатланиш, байрамона тушлик ва шеригингиз учун жой киради”.
- Фримли Парк касалхонаси
- Туғуруқ нархи: бепул
- Графиня Софининг танлови
Суррейдаги Фримли Парк касалхонаси Англия соғлиқни сақлаш хизматига тегишли бўлиб, қироличанинг севимли келини графиня Софи икки марта шу ерни танлаган. Қизи Софи муддатидан олдин туғилган ва Камберлидаги NHS томонидан молиялаштирилган Фримли Парк касалхонасида шошилинч кесарча кесиш амалиёти орқали дунёга келган, дейди CFAH мутахассислари. “Софи иккинчи фарзанди учун ҳам шу касалхонани танлайди. NHS Фримли Парк касалхонаси барча замонавий талабларга жавоб беради: ҳар бир туғуруқ хонасида шахсий ювиниш хонаси, ҳатто бассейн ҳам бор.
Изоҳ (0)