Ғазо секторида уруш тугаганидан кейин араб давлатлари сектор хавфсизлигини таъминлаш учун у ерга қўшин юбормайди. Бу ҳақда Иордания ташқи ишлар вазири Айман Сафадига таяниб, New York Times хабар берди.
“Одамлар кундан-кунга ўлдирилмоқда, кейин биз келиб, Исроилдан кейинги тартибсизликни тозалашимиз керакми? Бу содир бўлмайди”, — деди Сафадий ва араб давлатлари фаластинликларга душман бўлиб қолмаслигини айтди.
Учрашувда Баҳрайн ташқи ишлар вазири Абдуллатиф ал-Заяни ва БАА катта дипломатик маслаҳатчиси Анвар Гаргаш ҳам иштирок этди. Улар Ғазонинг урушдан кейинги тузилиши ҳақидаги саволларига аниқ жавоб бермади. Гаргаш “араб консенсуси”ни қўллаб-қувватлаб, Миср, Иордания ва Фаластин маъмурияти позициясининг муҳимлигини билдирди.
Биз ҳақиқатан ҳам келиб ўтириб, кейинги қадам Ғазони бошқариш учун қандайдир маъмуриятдир, деб айта олмаймиз. Агар биз фаластинликларга эътибор қаратмасак, нима қилсак ҳам қонуний бўлмайди. Иордания ташқи ишлар вазири, шунингдек, Исроил Фаластиннинг ҲАМАС гуруҳини мағлуб эта олишига шубҳа қилди:
“У ерда жуда кўп ҳарбийлар бор, мен бу мақсадга қандай эришиш мумкинлигини тушунмаяпман”.
Бир неча Ғарб расмийлари аввалроқ Ғазо секторида араб давлатлари иштирокида тинчликпарвар кучларни тузиш ғоясини илгари сурганди. Исроил ҳукумати Ғазо секторида хавфсизлик кучларини қолдириш, секторни “демилитаризация қилиш” билан шуғулланиш, шунингдек, армияга “тўлиқ ҳаракат эркинлиги”ни бериш режасини эълон қилганди.
New York Times газетасининг маълум қилишича, Исроил ҳукумати Ғазо сектори ичида, жумладан, Миср билан чегарада янги буфер зона яратишни ва шу тариқа секторнинг қуруқликдаги чегараларини тўлиқ назорат қилишни кутмоқда.
“Исроил номаълум муддатга хавфсизлик учун умумий жавобгарликни ўз зиммасига олади, чунки буни қилмасак, нима бўлганини кўрдик. Хавфсизлик учун масъул бўлмаганимизда, ҲАМАС биз тасаввур қила олмайдиган даражада кучайишига дуч келамиз”, — деди Исроил бош вазир Биньямин Нетаньяху.
Изоҳ (0)