АҚШдаги ядровий каллакчаларга эга ракета шахталарига ҳужум уюштирилгудек бўлса мамлакат аҳолисининг 90 фоизи ҳалок бўлади, шунингдек, фалокат Канада ва Мексикага ҳам таъсир кўрсатади. Бу ҳақда Пристон университети олимлари томонидан амалга оширилган ҳисоб-китобларда сўз боради.
Қайд этилишича, университетнинг Фан ва глобал хавфсизлик дастурида иштирок этаётган олимлар Американинг бешта — Колорадо, Вайоминг, Небраска, Монтана ва Шимолий Дакота штатларидаги ракета шахталарига қилинган ҳужумни моделлаштириб кўрган.
Ҳисоб-китобларда келтирилишича, шахталарга амалга оширилган мақсадли ҳужум шаҳарларга берилган зарбалардан кўра кўрпоқ қубонларни юзага келтиради, дастлабки тўрт кунда 340 мингдан 4,6 миллионга яқин одам ҳалок бўлади. Шунингдек, 300 миллион киши радиоактив моддаларнинг тарқалиши ҳисобига ўлимга олиб келадиган даражада радиацияга учрайди. Бу эса ўз навбатида АҚШ алоҳисининг 90 фоизини ўлимига сабаб бўлади.
Олимлар 2021 йилга қадар қайд этилган об-ҳаво маълумотларидан фойдаланган ҳолда 450 та шахтада жойлашган қуввати 800 килотоннали жанговар каллакларнинг портлаши оқибатини моделлаштирган. Биринчи навбатда улар шамол радиация чиқиндиларни қандай тарқатиши харитасини ишлаб чиққан.
“Канаданинг қўшни штатлари ва аҳоли гавжум ҳудудлари, шунингдек, Мексика шимолидаги одамлар ҳалокатли ёғингарчилик хавфи остида қолади”, — дейилади тадқиқотда.
Ҳисоб-китобларга кўра, битта ракета шахтасини йўқ қилиш учун унинг ёнига бир ёки иккита бир килотоннали жанговар каллаклар билан зарба бериш керак. Бу шахта қанчалик ҳимояланган бўлмасин, унга таъсир кўрсатади. Мавжуд барча ракеталарнинг портлаши Шимолий Американинг бутун ҳудудини яшаш учун яроқсиз ҳолатга келишига олиб келади.
Олимлар бундай сценарийдан қутулишнинг ягона йўли ядровий қуроллардан фойдаланишни воз кечиш эканини айтмоқда. Шу билан бирга, Пентагон ядровий қуролдан “тутиб турувчи омил” сифатида фойдаланишга чақирмоқда.
Изоҳ (0)