Тошкент вилоятида 93 миллион сўмлик алкогол ва тамаки маҳсулотлари савдосига чек қўйилди, деб хабар бермоқда Солиқ қўмитаси ахборот хизмати.
Хабарга кўра, солиқ органлари ҳамда Бош прокуратура ҳузуридаги Иқтисодий жиноятларга қарши курашиш департаменти томонидан ўтказилаётган тадбирлар давомида Тошкент вилоятининг Зангиота, Паркент тумани ҳамда Ангрен шаҳарларида ноқонуний савдога қўйилган алкогол ва тамаки маҳсулотлари аниқланди.
- Зангиота туманида жойлашган дўкондан 5 турдаги 226 дона қиймати 12,1 миллион сўмлик қалбаки акциз маркали алкогол маҳсулотлари;
- Паркент туманида фуқарога тегишли омборхонадан 14 турдаги 5053 дона қиймати 69,1 миллион сўмлик қалбаки акциз маркали алкогол маҳсулотлари;
- Ангрен шаҳрида 5 турдаги 1010 қути қиймати 12 миллион сўмлик акциз маркасиз тамаки маҳсулотлари аниқланди ҳамда улар вақтинча олиб қўйилди.
Юқоридаги ҳолатлар юзасидан ҳужжатлар расмийлаштирилиб қонуний чора кўриш учун ҳуқуқни муҳофаза қилувчи органларга тақдим этилди.
Изоҳ (0)