Қозоғистон Миллий хавфсизлик қўмитасининг собиқ раҳбари Карим Масимовга қарши иккита янги жиноий иш қўзғатилмоқда. Бу ҳақда “Kazinform” хабар берди.
Масимов тергов ҳаракатлари олиб борилиши учун Миллий хавфсизлик қўмитасининг тергов изоляторига олиб кетилган.
К.Масимовга нисбатан Қозоғистон Жиноят кодексининг 208-моддаси “Жиноят йўли билан олинган пулларни ва бошқа мулкни легаллаштириш” ва 366-моддаси “Ўта йирик миқдорда пора олиш” назарда тутилган жиноятлар юзасидан терговга қадар тергов ҳаракатлари давом эттирилмоқда.
Карим Масимов 2022 йилнинг 8 январида тартибсизликлардан сўнг ҳибсга олинганди. Бунгача у 2016 йилнинг сентябрьидан буён ишлаб келаётган Миллий хавфсизлик қўмитаси раиси лавозимидан озод этилганди. Масимов мамлакатдаги энг нуфузли шахслардан бири бўлган ва собиқ президент Нурсултон Назарбоевга яқин ҳисобланган. Турли йилларда Қозоғистон бош вазири, администрация раҳбари ва Қозоғистон президенти ёрдамчиси лавозимларида ишлаган.
Қўлга олинганидан сўнг деярли дарҳол тергов суди Масимовни икки ойга ҳибсга олган. У давлат тўнтаришига уриниш, давлатга хиёнат ва ҳокимиятни суиистеъмол қилиш моддалари билан айбланган. Унинг уч нафар собиқ ўринбосари ҳам терговга жалб қилинган, улар ҳам қамоққа олинган.
Бош прокуратура унга нисбатан терговни фақат 2023 йил сентябрь ойида бошлаган. Абиш мансаб ваколатини суиистеъмол қилганликда гумон қилинмоқда, у ҳозирда Қозоғистонда, мамлакатни тарк этиши мумкин эмас.
Айни пайтда мамлакатнинг собиқ бош хавфсизлик хизмати ходимига қарши иш “махфий” тоифага киритилган. Унинг суд жараёни ўтган йилнинг ноябрь ойида бошланган ва бутунлай ёпиқ эшиклар ортида ўтган.
Бундан ташқари, маҳкумлардан давлат даромадига 10 миллиард тенгедан (21 миллион доллар) ортиқ ва 24 миллион доллар ундирилди.
Изоҳ (0)