Америка Оқ уйи расмийлари Киевга топширилган ATACMS оператив-тактик ракеталари Украинадаги уруш боришини ўзгартира олмайди, деб хавотирда, деб ёзади The New York Times (NYT).
“АҚШ президенти Жо Байденнинг маслаҳатчилари ва ёрдамчилари” манбаларининг анонимлик шарти билан нашрга маълум қилишича, рус ҳарбийлари фронтда ATACMS пайдо бўлишига тайёргарлик кўришга улгурган.
“АҚШ Зеленскийга ўзи сўраган барча қуролларни, жумладан, узоқ масофали ракеталарни ҳам берди. Энди президент Байден ATACMS украиналикларга унчалик ёрдам бермаслигидан хавотирланмоқда, чунки руслар ўз самолётларини ушбу қуроллар етиб боролмайдиган ҳудудларга жойлаштирмоқда”, — дейилади NYT хабарида.
Нашр манбаларининг таъкидлашича, Байден ва унинг атрофидагилар Украинадаги урушдан “чарчаган”, улар кўрсатилган ҳарбий ёрдам ва разведка маълумотлари Украинага урушда муваффақиятга эришишга имкон бермаганлигини тан олган.
Изоҳ (0)