Футбол бўйича Осиё Чемпионлар Лигасининг 4-туридан ўрин олган ўйинда “Пахтакор” 7 ноябрь, сешанба куни “Аҳал”га қарши баҳс олиб борди.
Учрашувнинг биринчи бўлимида дарвозалар ишғол этилмади. Иккинчи бўлимда “шерлар” бир киши кам бўлиб қолди. 64-дақиқада Одилжон Ҳамробеков қизил карточка олиб, майдонни тарк этди. 81-дақиқада Алибек Абдураҳмонов “Аҳал”ни ҳисобда олдинга олиб чиқди. Ҳакам қўшиб берган дақиқаларда эса “Пахтакор” аъзоси Ҳожимат Эркинов дарвозани ишғол қилиб, жамоасининг дуранг натижа қайд этишига ўз ҳиссасини қўшди.
“Пахтакор” ушбу дурангдан сўнг 4 очко билан 2-ўринда бормоқда. “Аҳал” ҳам худди шунча очко билан 3-поғонани банд этган.
ОЧЛ
4-тур баҳси
7 ноябрь, сешанба
“Аҳал” – “Пахтакор” 1:1
Голлар: 1:0 — 81 Абдураҳмонов, 1:1 — 90+5 Эркинов.
“Аҳал”: 96. Раҳат Жапаров, 3. Шуҳрат Союнов, 5. Ҳакмуҳаммет Башимов, 7. Мейлис Диниэв, 8. Адилбек Равшанов (18. Салим Умаров, 82), 9. Гурбан Аннаев (11. Даянч Мередов, 62), 10. Элман Тагаэв, 27. Язқилич Гурбанов, 30. Алибек Абдураҳмонов, 71. Атегелди Гелдиев, 98. Довран Ҳожамаммедов.
“Пахтакор”: 36. Павел Павлюченко, 5. Муҳаммадқодир Ҳамралиэв, 7. Одилжон Ҳамробеков, 8. Азизбек Турғунбоев (11. Пўлатхўжа Холдорхонов, 73), 10. Драган Черан (19. Пшемислав Банашак, 73), 20. Ҳожимат Эркинов, 27. Сардор Собирхўжаев, 28. Диёр Холматов, 34. Фарруҳ Сайфиев, 77. Дилшод Saitoв, 88. Шаҳзод Азмиддинов.
Огоҳлантиришлар: Шуҳрат Союнов (33), Язқилич Гурбанов (44), Шаҳзод Азмиддинов (49).
Четлатиш: Одилжон Ҳамробеков (65).
Изоҳ (0)