Исроил армиясининг Ғазо секторига уюштирган ҳужумлари оқибатида камида 10 022 киши ҳалок бўлди. Бу ҳақда Аl-Jazeera хабар берди.
Маълум қилинишича, ҳалок бўлганлар орасида 4104 нафар бола бор. Ғазо Соғлиқни сақлаш вазирлиги кўплаб қурбонлар вайроналар остида қолиб кетганини, Исроил қамали ёнилғи, озиқ-овқат ва электр энергиясидан фойдаланишга тўсқинлик қилаётганини маълум қилди.
“Ўлганлар сони ошиши кутилмоқда, чунки вайроналар остида камида 2000 киши қолмоқда. Муаммо шундаки, оғир техника ва механизмлар йўқлиги сабабли ердаги қутқарув гуруҳлари бу жасадларни вайроналар остидан олиб чиқишга қодир эмас”, — деди Al-Jazeera мухбири Ҳани Маҳмуд.
Соғлиқни сақлаш вазирлиги 7 октябрь куни бошланган бомбардимондан буён яраланганлар сони 25 минг 408 нафарга етганини, Исроилнинг сўнгги соатларда 18 та ҳужум уюштирганини, 252 кишининг қурбон бўлганини билдирди.
Изоҳ (0)