Ямандаги ҳусий исёнчилари билан тўқнашувлар ортидан Саудия Арабистони армияси юқори шай ҳолатга келтирилди, деб ёзмоқда Bloomberg манбаларга таяниб.
Манбаларга кўра, ўтган ҳафта жануби-ғарбий Жазан вилоятида ҳусийлар билан жангда Саудия Арабистонининг тўрт нафар аскари ҳалок бўлган — армия қироллик ҳудуди устида Исроил томонга отилган ракетани тутиб олган.
Ҳусийлар томонидан ракета учирилганидан кейин Саудия Арабистони армиясининг барча тармоқларида юқори огоҳлантириш протоколлари фаоллаштирилди.
Ракета ҳужуми ҳодисаси апрель ойида Ар-Риёд ҳусийлар билан дастлабки сулҳни тузганидан бери илк бор Саудия ҳарбий хизматчиларининг ўлдирилиши бўлди. Вазият кескин тус олишидан олдин, томонлар келишувга эришишга яқин эди.
Маълумот учун Яманда 2011 йилдаги “араб баҳори”дан кейин мамлакатда фуқаролар уруши бошланган. Ўшанда ҳусийлар (шиа мусулмонлари) мамлакат пойтахти Сана шаҳрини назорат остига олди ва кейинги йили ҳокимиятни ҳам эгаллади. Жанубий Ямандаги сунний партиялар ҳусийлар ҳокимиятини тан олмади.
Суннийларни Саудия Арабистони қўллаб-қувватлайди. Яман ҳусийларини эса Яқин Шарқдаги бошқа шиа гуруҳлари қатори Эрон қўллаб-қувватлайди.
Изоҳ (0)