25 октябрь куни АҚШнинг Теннесси штати, Нешвилл шаҳрида Аluminum USA 2023 халқаро саноат кўргазмаси бўлиб ўтди. Мазкур нуфузли тадбир алюминий саноатидаги асосий воқеа бўлиб, саноатдаги сўнгги трендларга мувофиқ ҳамкорлик қилиш ҳамда тажриба алмашиш учун ноёб платформани тақдим этади.
Кўргазма Шимолий Америка, Мексика, Бразилия, Буюк Британия, Испания, Италия, Норвегия, Туркия, Миср, Хитой, Жанубий Корея, Япония, БАА ва Ўзбекистондаги етакчи ишлаб чиқарувчилар ҳамда мутахассисларни жалб этди. Ўзбекистоннинг ушбу форумдаги иштироки AKFA саноат холдинги таркибига кирувчи Benkam маҳаллий брендининг тақдимоти билан қайд этилди.
Benkam — 2015 йилда Европа ва ўзбекистонлик ҳамкорлар томонидан асос солинган алюминий профилларини ишлаб чиқариш бўйича йирик лойиҳа бўлиб, Европа, Осиё ва АҚШга экспорт қилишга йўналтирилган. Асосий фаолият соҳаси — ҳар қандай мураккабликдаги алюминий профилларни ишлаб чиқариш ва кейинчалик уларни қайта ишлаш саналади.
Алуминиум USA 2023 кўргазмасидаги Ўзбекистоннинг иштироки муваффақиятли ва истиқболли тарзда бўлди. Тадбир доирасида Американинг етакчи ишлаб чиқарувчилари билан умумий ҳажми йилига 16 минг тоннадан зиёд тайёр маҳсулот алюминий профилларини етказиб бериш ҳақида шартномалар имзоланди. Ўзбекистоннинг ҳамкорлари орасида Флоридадаги “Тачен”, Орландодаги “АА Металл” ва Лос-Анжелесдаги “Даико” компанияларини алоҳида қайд этиш жоиз бўлиб, улар 62 300 000 АҚШ доллардан зиёд маҳсулотларнинг ниҳоятда катта ҳажмларини етказиб бериш бўйича шартномалар тузишга муваффақ бўлганлар.
Алюминий профиллар ишлаб чиқариш соҳасидаги муваффақиятли ҳамкорлик Ўзбекистон иқтисодиётига сезиларли таъсир кўрсатди ҳамда халқаро алоқаларни мустаҳкамлади. Ушбу ҳамкорлик Ўзбекистоннинг технологик салоҳиятини юксалтириш ва алюминий маҳсулотлари халқаро бозорида рақобатбардошлилигини оширишга ҳам хизмат қилмоқда.
Батафсил:
https://akfagroup.com/benkam_usa
Алоқа учун:
Реклама ҳуқуқи асосида.
Изоҳ (0)