ҲАМАСнинг Ғазо секторидаги етакчиси Яҳё Синвар уруш бошланганидан бери биринчи марта очиқ баёнот берди. Бу ҳақда The Times оф Israel хабар берди.
Синварнинг баёнотига кўра, ҲАМАС гаровга олинганларни Исроил қамоқхоналаридаги фаластинлик маҳбусларга алмаштиришга тайёр. Тегишли таклифни ҲАМАСнинг қуролли қаноти ҳам илгари сурган эди.
“Биз зудлик билан маҳбуслар алмашинуви бўйича битим тузишга тайёрмиз, бунда Исроил қамоқхоналаридаги барча фаластинлик маҳбуслар эвазига ҲАМАС қўл остидаги барча маҳбуслар озод қилинади”, — деди Синвар.
BBC рус хизматининг таъкидлашича, бу Синварнинг уруш бошланганидан бери биринчи оммавий баёнотидир. Исроил армияси Ғазо секторида 229 га яқин киши ҲАМАС томонидан гаровга олинганини маълум қилган. ҲАМАС Исроилнинг бомбардимонлари оқибатида Ғазодаги асирга олинган деярли 50 киши ҳалок бўлганини айтган.
Изоҳ (0)