Судьялар олий кенгашининг навбатдаги йиғилишида қайси судьялар ушбу лавозимда бўлишнинг навбатдаги муддатига, қайсилари ваколати муддати даврига қайта тайинлангани маълум бўлди. Бу ҳақда кенгаш матбуот хизмати хабар берди.
Судьялар олий кенгаши қарори билан:
- Баҳодир Жўраев — судьялик ваколати муддати даврининг беш йил муддатига Тошкент вилояти жиноят ишлари бўйича Тошкент туман судининг раиси лавозимига қайта тайинланди ва шу муносабат билан Тошкент вилояти жиноят ишлари бўйича Қуйи Чирчиқ туман судининг раиси лавозимидан озод қилинди;
- Жаҳонгир Қўлдошев — судьялик ваколати муддати даврига Тошкент вилояти жиноят ишлари бўйича Қуйи Чирчиқ туман судининг раиси лавозимига қайта тайинланди ва шу муносабат билан жиноят ишлари бўйича Ангрен шаҳар судининг судьяси лавозимидан озод қилинди;
- Азиза Исматова — судьялик ваколати муддати даврига Самарқанд вилояти фуқаролик ишлари бўйича Самарқанд шаҳар суди раисининг ўринбосари лавозимига қайта тайинланди ва шу муносабат билан Самарқанд вилояти фуқаролик ишлари бўйича Самарқанд шаҳар судининг судьяси лавозимидан озод қилинди;
- Фурқат Аноров — судьялик ваколати муддати даврига Самарқанд вилояти фуқаролик ишлари бўйича Самарқанд шаҳар судининг судьяси лавозимига қайта тайинланди ва шу муносабат билан Самарқанд вилояти фуқаролик ишлари бўйича Иштихон туманлараро судининг судьяси лавозимидан озод қилинди;
- Акмал Мирзаханов — судьялик ваколати муддати даврига Тошкент шаҳар жиноят ишлари бўйича Шайхонтоҳур туман судининг судьяси лавозимига қайта тайинланди ва шу муносабат билан Тошкент шаҳар жиноят ишлари бўйича Чилонзор туман суди раисининг ўринбосари лавозимидан озод қилинди;
- Темуржон Юсупов — судьялик ваколати муддати даврига Тошкент шаҳар жиноят ишлари бўйича Сергели туман судининг судьяси лавозимига қайта тайинланди ва шу муносабат билан Тошкент шаҳар жиноят ишлари бўйича Шайхонтоҳур туман судининг судьяси лавозимидан озод қилинди.
Шунингдек:
- Мирали Мирраҳимов —судьялик ваколати муддати даврига Тошкент вилояти жиноят ишлари бўйича Ангрен шаҳар судининг судьяси лавозимига қайта тайинланди.
Бундан ташқари:
- Убайдулла Аллаев — судьялик лавозимида бўлишнинг навбатдаги ўн йиллик муддатига Бухоро вилояти фуқаролик ишлари бўйича Ромитан туманлараро судининг судьяси лавозимига;
- Эргаш Қаршиев — судьялик лавозимида бўлишнинг навбатдаги ўн йиллик муддатига Самарқанд вилояти жиноят ишлари бўйича Ургут туман судининг судьяси лавозимига;
- Озоджон Ражабов — судьялик лавозимида бўлишнинг навбатдаги ўн йиллик муддатига Бухоро вилоят маъмурий судининг судьяси лавозимига;
- Соҳиб Раҳимов — судьялик лавозимида бўлишнинг навбатдаги ўн йиллик муддатига Сурхондарё вилоят судининг фуқаролик ишлари бўйича судьяси лавозимига;
- Фаррух Қаҳоров — судьялик лавозимида бўлишнинг навбатдаги ўн йиллик, шундан беш йил муддатга Бухоро вилояти жиноят ишлари бўйича Бухоро туман судининг раиси лавозимига;
- Хуршид Равшанов — судьялик лавозимида бўлишнинг навбатдаги ўн йиллик, шундан беш йил муддатга Тошкент вилояти Ўрта Чирчиқ туманлараро иқтисодий судининг раиси лавозимига;
- Алишер Сайдуллаев — судьялик лавозимида бўлишнинг навбатдаги ўн йиллик, шундан беш йил муддатга Навоий вилояти жиноят ишлари бўйича Навбаҳор туман судининг раиси лавозимига тайинланди.
Бундан олдин Ўзбекистонда 6 нафар судья лавозимида ўзгариш рўй бергани, Қашқадарёда фуқаро ногиронлик нафақасини ололмай қолганига сабаб бўлган судьяга чора кўрилгани, Судьялар олий кенгашида бир қатор янги тайинловлар амалга оширилгани тўғрисида хабар берилганди. Шунингдек, Ўзбекистонда 2023 йилнинг олти ойида 12 нафар судья лавозимидан озод қилиниб, ваколатлари муддатидан илгари тугатилган эди.
Изоҳ (0)