“Midjourney” нейротармоғи биз севиб томоша қиладиган фильмлар бахтли якун топганда уларнинг сўнгги саҳналари қандай кўринишда бўлиши мумкинлигини намойиш қилиб берди. Кўпчиликка ёқиб тушган кадрлар ижтимоий тармоқларда эълон қилинган.
“Хатико: энг яхши дўст” фильмида (2008) жонивор ўз эгаси билан топишади.
“Форрест Гамп”да (1994) Женни Каррен тўйдан ҳеч қанча вақт ўтмай туриб, ОITСдан вафот этмайди, турмуш ўртоғи билан ўғил фарзандини биргаликда тарбия қилади.
“Йўлдан озиб” сериалидаги (2008-2013) Жесси Пинкман гиёҳванд моддалар қабул қилиш натижасида вафот этмаган Жейн Марголис билан оила қуради ва рафиқаси билан бирга Янги Зеландияга жўнаб кетади.
Нейротармоқ “Леон” (1994) фильми учун ҳам бахтли якун саҳналарини ишлади. Унга кўра, Жан Рено қаҳрамони отишма вақтида ҳалок бўлмайди, Матилда вояга етгунига қадар унга васийлик қилишда давом этади.
“Гладиатор” фильмида (2000) эса Максимус ҳалок бўлмайди ва оиласи билан биргаликда бахтли ҳаёт кечиради.
“Титаник”нинг (1997) нейротармоқ томонидан яратилган якуний саҳнасида Леонардо Ди Каприо қаҳрамони Жек қутқарув қайиғига чиқиб омон қолади. Бу мавзу ижтимоий тармоқларда ҳам кўплаб муҳокамаларга сабаб бўлган эди. Фойдаланувчилар сўнгги саҳнада Роуз ётган қайиқ бўлаги устига Жекнинг ҳам бемалол жойлашиши мумкинлигини узоқ муҳокама қилишган. Қизиғи шундаки, буни фильм режиссёри Жеймс Кемероннинг ўзи ҳам тан олган.
“Яшил макон” (1999) фильмининг нейротармоқ томонидан яратилган якуний саҳнасида Жон Коффи нафақат қатлдан омон қолади, балки 2 нафар қизалоқни ҳам қутқаришнинг уддасидан чиқади.
“Мен афсонаман” фильмида (2007) Уилл Смит қаҳрамони ва унинг содиқ дўсти зомбилар босқинидан омон қоладилар.
Изоҳ (0)