Бекзод Бобомуродов Қизилтепа тумани ҳокими лавозимига тайинланди. Бу ҳақда Навоий вилояти ҳокимлиги матбуот хизмати хабар берди.
Бекзод Бобомуродов 1983 йилда Қизилтепа туманида туғилган. Хўжанд давлат университети ҳамда Тошкент молия институтини тамомлаган.
Меҳнат фаолияти давомида у Истеъмолчилар ҳуқуқларини ҳимоя қилиш федерацияси Навоий вилояти ҳудудий бирлашмаси раиси, Навоий вилояти қурилишда танлов савдолари ва нархларни шакллантириш ҳудудий консалтинг маркази директори, “Қишлоқ қурилиш инвест” МЧЖ инжиниринг компанияси Навоий вилоят филиали директори каби масъул лавозимларда ишлаган.
Тайинловга қадар Навоий вилояти ҳокимининг қурилиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари лавозимида фаолият юритган.
Қизилтепа туманига 2021 йил ноябрь ойидан буён Улуғбек Файзиев ҳоким бўлиб келаётганди. Навоий вилояти ҳокимининг қарори билан у 23 октябрдан лавозимдан озод этилган.
Шунингдек, Навоий вилоят ИИБ бошлиғи ўринбосари, полковник Умиджон Адизов Хатирчи тумани ҳокими этиб тайинланди.
Хатирчи туманига 2021 йил мартидан буён ҳоким бўлган Сайфиддин Низомов 2023 йил 11 июль куни президент Шавкат Мирзиёев раислигида ўтказилган видеоселектор йиғилишида ишдан олинганди.
Изоҳ (0)