Сериал томоша қилишни яхши кўрадиган, лекин воқеалар ривожининг чўзилиб кетиши ва саноқсиз қисмлардан чарчаган томошабинлар учун қисқа, шу билан бирга, қизиқарли сюжетга эга вариантларни томоша қилиш тавсия қилинади. Бу борада қуйидаги маълумотлар асқатиши мумкин.
“Навбат бизга”
Сериалдаги қаҳрамон қиз йигитини бошқаси билан бирга кўриб қолади. Шундан кейин осмонўпар бинога чиқади. Бошқа бир ёш йигит уни сакрамоқчи, деган хаёлга бориб, бундай қилмасликка ундайди. Улар дўст тутинади, йигит қизга барча муаммоларини унутишга ёрдам беради. Орадан бир оз вақт ўтганидан кейин қиз собиқ севгилисини кечиради ва улар турмуш қурмоқчи бўлади, аммо қизга ёрдам берган йигит куёвнинг укаси бўлиб чиқади ва қиз ҳис-туйғулари борасида иккилана бошлайди.
“Икки ёлғончи” — 9 қисмдан иборат
Комедия жанридаги ушбу сериалда ёшлар ўзини бой қилиб кўрсатишга уринишининг гувоҳи бўлиш мумкин. Ҳаётдаги омадсизликлардан кейин нотаниш қиз ва йигит пул ҳамма нарсани ҳал қилади, деган хаёлга келиб, бадавлатдек кўринишга ҳаракат қилади. Ўзига тўқ оила вакиллари билан танишади ва вақтини чоғ ўтказиб, бир-бирини севиб қолганини билмай қолади.
“Қалдирғоч бўрони” — 7 қисмдан иборат
Бой оиланинг фарзанди оиласига мос келмайдиган йигитни севиб қолади, ота-онаси уни қизига нолойиқ деб ҳисоблайди. Қиз йигит билан қочиб кетади, аммо уни топиб олишади. Бу вақтда у ҳомиладор бўлади. Фарзандни дунёга келтирганидан кейин акаси, болани олиб рафиқасига беради. Рафиқасининг ҳам ўша куни кўзи ёриган бўлади ва ҳамма уни эгизак дунёга келтирди деб ўйлайди. Қизни севмаган инсонига турмушга беришади ва орадан йиллар ўтиб у қасос олиш учун қайтади.
“Уйимдаги душман” — 6 қисмдан иборат
Ёш қиз обрўли оилага энага бўлиб ишга киради. Кўринишидан ёқимтой ва яхши бўлган қизнинг бу оилага келишдан мақсади бошқа: турмуш ўртоғи ва дунёга келмаган фарзанди учун қасос олиш.
“Талончи”— 6 қисмдан иборат
Сериалда воқеалар ривожи бизнесда ҳам, оилавий ҳаётда ҳам муваффақиятга эришган, севимли рафиқаси, жажжи ўғли бор эркак ҳаётига асосланган. Биргина тасодиф туфайли ҳаёти буткул изидан чиқади, фожиали воқеадан кейин комага тушиб қолади ва орадан 10 йил ўтиб ўзига келади. Бу вақтда ҳамма нарса тамоман ўзгариб кетган бўлади.
“Севимли ўтмиш” — 8 қисмдан иборат
.jpg)
Сериал сюжетига кўра уч опа-сингилни болалигида бир-биридан айириб, онасини қилмаган жинояти учун қамоққа тиқишади. Қизлардан бирига аноним мактуб келмагунига қадар қизлар ҳам опа-сингиллари борлиги ҳақида билмайди. Онаси қамоқдан чиққан ва фарзандларини топишга ҳаракат қилаётган бўлади. Шундан кейин ҳаммаси бошланади.
“Юлдузлар менинг гувоҳим” — 4 қисмдан иборат
Сериалда машҳур хонанда, унинг онаси ва мухлислари ҳақидаги воқеалар ривожини томоша қилиш мумкин. Мусиқий комедия жанрида суратга олинган “Юлдузлар менинг гувоҳим”даги ёқимли мусиқалар киши кайфиятини кўтаради.
“Яхши ва ёмон кунда” — 6 қисмдан иборат
Комедия жанридаги ушбу сериал тўй куни бўлажак куёв ташлаб кетган қиз ва орадан йиллар ўтиб бошқа бир севгилиси билан қиз ишлайдиган агентликка тўйини ташкил қилиш учун мурожаат қилган йигит ҳақида.
“Янги ҳаёт” — 9 қисмдан иборат
Душманлари кўплигидан ташвишга тушган бизнесмен ёш рафиқасининг ҳаёти хавф остида қолишидан қўрқиб келишган, собиқ махфий хизмати ходимини ишга олади. Қўриқчининг ҳам оиласи, ўзига яраша сирлари ва муаммолари бўлади. Уларнинг ҳар иккиси қанчалик нотўғри эканини билса ҳам, бир-бирини ёқтириб қола бошлайди.
“Шараф сўзи” — 4 қисмдан иборат
Ёш йигит бир вақтлар ҳаётини сақлаб қолган инсонга у қачон ёрдамга муҳтожлик сезса, нима бўлишидан қатъи назар, ёрдам беришга вада беради. Орадан йиллар ўтиб эса ваъдасининг устидан чиқишига тўғри келади.
Изоҳ (0)