Фарғона шаҳридаги ҳайвонот боғида зебра ҳалок бўлди. Бу ҳақда вилоят Экология бошқармаси матбуот хизмати хабар берди.
Ҳолатга изоҳ берган боғ директори зебралар асосан 10-15 йил умр кўришини таъкидлаб, 5 ёшида ҳайвонот боғига келтирилган зебра бу ерда 7 йил бўлиб, 12 йил умр кўргани сабаб қариб ўлганини билдирган.
Фарғона вилоят прокуратураси, вилоят Экология бошқармаси, Ветеринария ва чорвачиликни ривожлантириш бошқармаси ва бошқа тегишли ташкилотлар иштирокида далолатномага асосан зебра жасади текширилиб, ҳозирда лаборатория таҳлил ишлари олиб борилмоқда.
Январь ойида Фарғона вилоятидаги ҳайвонот боғида жирафа нобуд бўлганди. У Ўзбекистонда кузатилган аномал совуқ кунларида шамоллаб қолган ва шунинг оқибатида нобуд бўлган.
Изоҳ (0)