Олий таълим, фан ва инновациялар вазирлигининг ички аудит хизмати томонидан Қарши ирригация ва агротехнологиялар институтида бюджет ва бюджетдан ташқари маблағлардан самарали ҳамда мақсадли фойдаланганлиги ҳолати юзасидан ўрганиш ўтказилди. Бу ҳақда вазирлик матбуот хизмати хабар берди.
Ўрганиш натижаларига кўра, Қашқадарё вилояти “Ягона буюртмачи хизмати” инжиниринг компанияси буюртмачилигида Қарши ирригация ва агротехнологиялар институтида амалга оширилган мукаммал таъмирлаш ишларида жами 904,2 миллион сўм, жумладан, 36 миллион сўмлик бажарилмаган ишларни ҳисоботларга қўшиб ёзилгани ҳамда 868,2 миллион сўмлик етказиб берилмаган жиҳозлар камомади аниқланган.
Ҳозирда ўрганиш натижалари юзасидан тўпланган барча ҳужжатлар ҳуқуқий баҳо бериш учун ҳуқуқ-тартибот органларига юборилган.
Аввалроқ Андижон давлат университетида қарийб 40 миллиард сўм талон-торож қилингани маълум бўлганди. Ундан олдин Ўзбекистонда 28 та давлат органлари ва ташкилотларининг 115 турдаги маълумотлар базасидан реал вақт режимида фойдаланиш тизими йўлга қўйилиб, ягона “Масофавий назорат” маркази ташкил этилгани тўғрисида хабар берилган эди.
Изоҳ (0)