АҚШда мушук клавиатура устига сакраб, тўсатдан фахрийлар билан ишлаш маркази тизимини ўчириб қўйди.
Ҳодиса Канзас штатида содир бўлган. Жониворнинг клавиатурага сакраши натижасида сервердаги барча маълумотлар ўчиб кетди. IT ходими бу ҳақда директор ва департамент ходимларидан иборат 100 га яқин киши иштирок этган онлайн конференция давомида тан олди.
Ахборот технологиялари бўйича котиб ёрдамчиси: "Шунинг учун мен мушук эмас, ит боқаман", — деб жавоб берди, бу эса иштирокчилар ўртасида кулгига сабаб бўлган.
Фахрийлар билан ишлаш маркази маълумотларига кўра, муаммо тезда аниқланиб, бартараф этилган ва тизим тўрт соат ичида тикланган.
Тhе Register нашрининг маълум қилишича, "ушбу ҳодиса натижасида фахрийлар учун бошқа муаммолар ёки тўғридан-тўғри оқибатлар содир бўлмаган".
Изоҳ (0)