Ғазо секторидан 7-октябр тонггида Исроил томон ўнлаб ракеталар учирилгани тўғрисида хабар берилганди. Исроил армияси матбуот хизматига кўра, мамлакат ҳозирда жавоб зарбаларини беришга киришган.
Исроил мудофаа вазири Ёав Галанд захирадаги ҳарбийларнинг оммавий сафарбарлигини эълон қилган. У мамлакатнинг марказий ва жанубий қисмларида “алоҳида хавфсизлик ҳолатини” жорий этиш бўйича топшириқ берган.
Ҳудуддаги шифокорларнинг маълум қилишича, Ғазо секторидан ракета ҳужумлари оқибатида камида 16 нафар исроиллик яраланган, икки нафарининг аҳволи оғир, бир аёл ҳалок бўлган.
Ғазо секторидан жангчилар гуруҳлари Исроил ҳудудига кириб келган. Гувоҳларнинг сўзларига кўра, гап машиналарда кетаётган ўнлаб қуролланган одамлар ҳақида кетмоқда. Айрим аҳоли пунктларида кўча жанглари кузатилган. Кейинчалик ҳужумчиларнинг бир неча гуруҳи анклавга қайтиб кетган.
Фаластиннинг ҲАMAS ташкилоти ҳарбий қаноти қўмондони Муҳаммад Дейф ҳужумлардан сўнг Исроилга қарши ҳарбий операция бошланганини эълон қилди. Айрим манбаларга кўра, ҳозирда 35 нафар Исрoил ҳарбийси асирга олинган.
Изоҳ (0)