Давлат хавфсизлик хизмати ва ички ишлар вилоят бошқармалари томонидан Сурияга чиқиб кетаётган 10 нафар наманганлик яширин гуруҳ аъзолари қўлга олинди. Бу ҳақда “Дарё” мухбири Азизбек Абдувалиев хабар бермоқда.
Фото: Видеолавҳадан скриншот
Наманган шаҳрида туғилган “Т.О.О”, “С.Ж.К.” ва “Л.У.Ж.”лар Россиядаги иш фаолияти давомида ҳозирда Суриядаги “Тавҳид ва Жиҳод Катибаси” террористик ташкилоти етакчиси, наманганлик Нуриддин Камолов (лақаби “Абу Муовия”) таъсирига тушиб, Туркия орқали Сурияга чиқиб кетишган.
Ушбу шахслар Наманган шаҳрида яшовчи 10 нафар ёшдан иборат яширин гуруҳ тузиб, уларни Сурияга бориб, террорчилар сафига қўшилишга даъват қилган.
Қўлга олинганлар 1999—2004 йиллар оралиғида туғилган ёшлар бўлиб, уларнинг 4 нафарига нисбатан ДХХ томонидан Жиноят кодексининг тегишли моддалари билан жиноят ишлари қўзғатилди.
Ҳозирда гуруҳ аъзоларига нисбатан тергов ҳаракатлари олиб борилмоқда.
Изоҳ (0)