Ёз тугаб, совуқ мавсум яқинлашмоқда. Бу тана саломатлиги ҳақида ғамхўрлик қилиш вақти келганини билдиради. Бунга витаминлар, спорт ва албатта, фойдали гаджетлар ёрдам беради.
Dyson Zone наушниклари
Албатта, ушбу қурилма билан сочингизни қуритмайсиз. Аммо ифлосланган ҳаводан нафас олишдан қўрқмай шаҳар бўйлаб хотиржам сайр қилишингиз мумкин. Шу билан бирга мусиқа тингласангиз ҳам бўлади.
Агар югуришга чиқсангиз-у, чанқаган бўлсангиз, дўкондан сув қидиришга шошилманг. Иқтисодий тежамкорлик ва ишончлилик жиҳатдан бу борада Vitaloop сув идишига ишониш мумкин. У ҳар қандай ифлос сувни мукаммал филтрлайди.
Xiaomi’дан “ақлли” гилам
Ҳаво совиса ҳам, лекин бу жисмоний фаолиятдан воз кечиш учун сабаб эмас. Xiaomi компанияси очиқ ҳавода югуришни ёпиқ жойда конкида учиш билан алмаштириш таклифини бермоқда. Бунинг учун махсус гилам ҳам ўйлаб топилган.
Xiaomi Meet ниқоби
Ҳордиқ чиқаришнинг энг яхши усули нима эканини биласизми? Албатта, уйқу. Xiaomi нинг “ақлли” уйқу ниқоби сизни асталик билан ухлатади ва мулойимлик билан уйғотади. Дам олиш жараёнида бутун дунё сукунатга чўмади.
Noice Luna Ring “ақлли” узуги
Ҳиндистонлик маҳаллий муҳандисларнинг сўнгги ишланмаларидан бири сизни қизиқтириб қўйиши аниқ. Бу айниқса соғлиғингизга алоқадор гаджет бўлса. “Ақлли” узук битта бармоқнинг таҳлиллари ёрдамида 70 тагача тана кўрсаткичларини ҳисоблаб чиқади.
Owlet Dream Соck қурилмаси
Бу гаджет болаларга мўлжалланган. Owlet Dream Соck чақалоқлар учун энг замонавий монитордир. Бу нафақат фарзандингизнинг уйқу сифати ва вақтини, балки унинг пулсини, шунингдек, қондаги кислород даражасини ҳам кузатишга ёрдам беради.
FeelZing Energy Patch нейростимулятори
Оддий сўз билан айтганда, қурилмани энергия патчи деб аташ мумкин. У керакли жойга ёпиштирилади ва нейростимуляция ёрдамида диққатни жамлашга, тинчланишга ёки ҳатто ухлаб қолишга ёрдам беради. Фойдали нарса.
Withings Body Smart тарозиси
“Ақлли” гаджетлар дунёсида тарози ҳам “ақлли” бўлиши мумкин. Бу тарози ортиқча кило йиға бошласангиз, бундан хурсанд бўлмаслигингизни билиб, вазнингизни кўрсатмайди. Ажойиб хусусият, тўғрими? Лекин ташвишланманг, қурилма ҳамма маълумотларни сақлаб қолади ва керак бўлганда кўриб олишингиз мумкин.
Изоҳ (0)