Жиноят ишлари бўйича Яккасарой тумани судида фуқароларни чув туширган аёл ва унинг қизига нисбатан суд иши кўриб чиқилди. Бу ҳақда “Ҳудуд” информацион дастурида маълум қилинди.
Қайд этилишича, Юнусобод туманида истиқомат қилувчи икки шахс Туркиянинг бир қатор университетларига ўқишга киргизиб қўйишни ваъда қилиб, 400 дан ортиқ фуқародан 5-9 миллион сўмгача пул олган.
Судланувчилар ўрта таълим мактабларининг юқори синф ўқувчиларига ўзларини Туркия университетларининг расмий филиали вакиллари сифатида таништириб, ишончга кирган. Улар ҳатто дарс жараёнларини ҳам ташкил этиб, унга Туркияда ўқитувчиларни ҳам жалб этган.
Шу кунга қадар жабрланувчиларнинг 100 дан ортиғи кўрсатма берган бўлиб, жиноят иш бўйича суд ҳали давом этмоқда.
Аввалроқ, Фарғона, Андижон, Гулистон давлат университетлари ва “Нархоз”га ўқишга киритиб қўйиш эвазига пул олган шахслар ушлангани хабар қилинганди. Шунингдек, Андижонда ўқишга киритишни ваъда қилиб, 4 минг АҚШ доллари олган ОТМ ходими қўлга олинган эди.
Изоҳ (0)