Россиянинг Красноярск шаҳрида Украинадаги урушдан қайтган “Вагнер” собиқ ёлланма аскари одамлар бўлган уйга ўт қўйди. Оқибатда икки киши ҳалок бўлди. Бу ҳақда “Корреспондент” хабар берди.
Ҳодиса Ермаковское қишлоғида 3-октябрга ўтар кечаси содир бўлган. Собиқ вагнерчи ёқиб юборган уй Ленин кўчасида жойлашган. Қўшнилар ўт ўчирувчиларни чақирган. Қутқарувчилар ёнаётган уйдан уй эгаси ва унинг қизининг жасадини топган.
ASTRA Telegram канали хабарига кўра, “Вагнер” таркибида Украинага қарши жанг қилган ва 2023 йил май ойида Россияга қайтиб келган 31 ёшли эркак ўт қўйишда гумонланиб қўлга олинган. У аллақачон қасддан баданга оғир шикаст етказганликда айбланиб судланган. Россия ҳуқуқ-тартибот идоралари ходимлари қотиллик бўйича жиноий иш қўзғатган.
Изоҳ (0)