Непал ғарбида 3-октябр куни 6,3 ва 5,3 магнитудали иккита зилзила содир бўлди. Оқибатда 17 киши жароҳатланди. Бу ҳақда Reuters хабар берди.
Ер силкинишлари Ҳиндистон билан чегарадош Бажанг туманидаги катта магистрални тўсиб қўйган кўчкига сабаб бўлган. Ярим соат ичида бирин-кетин содир бўлган зилзилалар оқибатида турар жой бинолари ва йўллар вайрон бўлган.
Зилзила эпицентрлари Taлкот ва Чейнпур ҳудудларида жойлашган бўлиб, улар 600 километрдан ортиқ масофада жойлашган. Таъкидланишича, 17 киши — ўн бир нафар аёл ва эркаклар турли даражадаги тан жароҳатлари олиб, маҳаллий шифохоналарга ётқизилган. Жабрланганлардан бири устига оғир нарса тушиши оқибатида яраланган.
Яна бир аёл бедарак йўқолган. Тахминларга кўра, уни кўчки босган. Непал ҳукумати ҳозирча қидирув-қутқарув операцияси ҳақида эълон қилгани йўқ.