Инстаблогер Озод Ҳуррамов журналист Шоира Мирсодиқовага берган интервьюсида хонанда Муниса Ризаеванинг тўй харажатларини ким қоплагани, куёв сохта эмаслиги ва шахсий ҳаётидаги энг оғриқли нуқталар ҳақида гапириб берди.
— Менимча, Муниса Ризаеванинг тўйига бир миллион доллар маблағ сарфланди. Ҳамма харажатларни куёвнинг ўзи қоплади. Муниса Ризаева келин кўйлаги, ҳатто пардоз-андози учун ҳам чўнтагидан пул сарфлагани йўқ. Улар ўн ой аввал танишиб, бир-бирини синашган. Арсенийни катта бизнес билан шуғилланувчи инсонлар жуда яхши танишади. У ўзига тўқ, бадавлат инсон. У айримлар ўйлагандек сохта куёв эмас. Кўпчилик билмаса керак, аммо анчадан буён Муниса Ризаеванинг Instagram аккаунтини жамоам билан бирга юритамиз. Тўй куни “Озгина йиғлаб бероласизми, ролик оламан”, десам “Қўй унақа дема, ўзи зўрға ўзимни йиғидан тийиб турибман”, деди. Тўй жуда чиройли ва файзли ўтди, — дейди инстаблогер.
Озод Хуррамов отасини узоқ йилдан сўнг кўргани ва у фарзандларидан уй талаб қилгани ҳақида сўзлаб берди.
— Ота-онам ажрашганида 7 ёшда эдим. У киши билан боғлиқ жуда кам хотираларим бор. Ундан кейин ҳаётимизда у инсоннинг ўрни бутунлай йўқолди. Аммо яқинда келиб, биздан уй талаб қилди. Онам 22 ёшида уч бола билан бева қолган. Баъзан “Жуда ёш бўлгансиз, нега турмушга чиқмагансиз”, десам “Оила қуриб, сизларни ранжитиб қўйишни истамаганман”, дейди. Онам борини фақат уч фарзанди учун сарфлаган. Мактабда ҳам энг қиммат кийимларни фақатгина биз киярдик. Онам ўксиниб ўсишимизни истамасди. Тўғри, ҳаётимиз камтарона бўлиши мумкин, аммо ҳафтада бир марта бўлса ҳам тансиқ таомларни пишириб кўнглимизни кўтарарди. Бизни ўқитиш учун акам иккимизни 16 ёшли опамга ташлаб, Россияга ишлагани кетган. Опам айни ўйнаб куладиган ёшида, икки болали онага айланган. Ўзи ҳам биздек ўйнагиси келарди, аммо уйдаги ишлар қолиб кетмаслигини учун ҳамиша вақтини режалаб юрарди. Энг қизиғи, бу ёшда кўпчилик қизлар ёмон йўлларга кириб қолишади. Опам эса ота-она назоратисиз қолган бўлса-да, бундай йўлларга юрмасди, — дейди инстаблогер Озод Хуррамов.
Хонанда Муниса Ризаеванинг дабдабали тўйидан репортажни қуйида томоша қилишингиз мумкин:
Изоҳ (0)