Америкалик тадбиркор, Tesla ва SpaceX хўжайини Илон Маск АҚШнинг энг бой одамлари рўйхатида биринчи ўринда қолди.

Унинг бойлиги Twitter сотиб олинганига қарамай 2022 йилдан бери ўзгармади ва Forbes маълумотларига кўра 251 миллиард долларга баҳоланмоқда. 

Amazon асосчиси ва собиқ раҳбари Жефф Безос иккинчи ўринга кўтарилди, унинг бойлиги 2022 йилдаги 151 миллиард доллардан 161 миллиард долларга ошди.

Forbes ундан кейинги ўринга Oracle ахборот технологиялари корпорацияси асосчиси ва собиқ бош директори Ларри Эллисонни киритди. Эллисоннинг бойлиги 158 миллиард долларга баҳоланмоқда, ўтган йили унинг бойлиги 101 миллиард доллар эди, деб ёзади Forbes.

Тўртинчи ўринни машҳур америкалик сармоядор Уоррен Баффет эгаллади, унинг бойлиги 121 миллиард долларга баҳоланди. Ўтган йили унда 97 миллиард доллар бор эди. Бешинчи ўринда Google корпорациясининг бош компанияси Alphabet’нинг собиқ раҳбари Ларри Пейж бор (унинг бойлиги 93 миллиард доллардан 114 миллиарга ошган), олтинчи ўринда эса Microsoft асосчиси Билл Гейтс, унинг бойлиги 106 миллиард доллардан 111 миллиард долларга кўтарилган.