Европа Иттифоқи йил охиригача 2024 йилда Украинага 5 миллиард евро миқдорида ҳарбий ёрдам ажратиш бўйича келишиб олиши кутилмоқда.
Бу ҳақда Европа Иттифоқи дипломатияси раҳбари Жосеп Боррел Киевда 27 мамлакат ташқи ишлар вазирларининг норасмий учрашуви якунлари бўйича ўтказилган матбуот анжуманида маълум қилди.
“Мен Европа Тинчлик Жамғармаси доирасида келаси йил учун Украинага 5 миллиард евро миқдорида янги ҳарбий ёрдам пакетини таклиф қилдим. Умид қиламанки, йил охиригача — ЕИ давлатлари ўз бюджетларини тасдиқлайдиган вақтгача келишувга эришамиз”, — деди у.
“Европа Иттифоқи Киев билан мудофаа саноати, миналардан тозалаш ва дезинформацияга қарши курашда ҳамкорликни ривожлантиради”, — дея қўшимча қилди Боррел.